Enter your Email Address to subscribe to our newsletters
रायगढ़जनपदः, १७ जनवरीमासः (हि.स.)। वित्त-मन्त्री तथा रायगढ़-विधानसभा-प्रतिनिधि श्रीमन् ओ.पी.चौधरी शनिवासरे रायगढ़े विविध-विकास-परियोजनानां निरीक्षणं कृत्वा तेषां प्रगतिं गम्भीरतया समीक्षितवान्।
सः अधिकारीभ्यः तथा अभियन्तृभ्यः स्पष्टं निर्देशं दत्तवान् यत् सर्वाणि कार्याणि नियतकालपरिधौ पारदर्शिता-युक्तानि उच्च-गुणवत्तया च सम्पूर्णानि भवन्तु, यतः सामान्यजनाय शीघ्रलाभः प्राप्स्यते।
निरीक्षणकाले वित्त-मन्त्री श्री चौधरी अवदत् यत् राज्य-सर्वकारेण मुख्यमन्त्रिणः नेतृत्वे विकास-कार्येषु सर्वोच्चं प्राथमिकं ध्यानं प्रदत्तम्। सः अधिकारीभ्य: निर्देशं दत्वा अवदत् यत् निर्माणाधीन-कार्येषु काचित् शिथिलता अथवा अनियमितता न सहिष्यते। परियोजनानां गतिं यथावत् धारयितुं सतत-निरिक्षणं तथा नियमित-अनुगमनम् अत्यावश्यकम्।
सः ससंतोषम् अवदत् यत् रायगढ़े सञ्चालिताः अधिकांशाः परियोजनाः शीघ्रं प्रगतिम् अनुभवन्ति, तथा अग्रिमे वर्षे कतिपयमहत्वपूर्णाः योजनाः भूमौ स्थापयिष्यन्ति।
अस्मिन् अवसरे महापौरः जीवर्धन-चौहान:, सुरेश-गोयल:, उपायुक्त: मयंक-चतुर्वेदी, सीईओ जिला-परिषद् अभिजीत-बबन-पठारे, आयुक्तः नगर-निगमः बृजेश-सिंह-क्षत्रियः च विभागीयाधिकारी-कर्मचारिणः उपस्थिताः।
वित्त-मन्त्री श्रीचौधरी नागरिक-सुविधासम्बद्धाः परियोजनाः निरीक्ष्य अवदत् यत् एतानि कार्याणि सम्पूर्णानि स्युः, तर्हि नगरीयजनाः स्वच्छं, शान्तं सुरक्षितं च वातावरणं प्राप्स्यन्ति। निरीक्षणकाले सः नालन्दा-परिसरे प्राय: ४० कोटि-रूप्यक-व्यययुक्तं अत्याधुनिक-पुस्तकालयम् अपि अवलोकितवान्।
सः अवदत् यत् एष: पुस्तकालय: छात्रैः प्रतियोगिता-परीक्षायाः सज्जां कुर्वतां यूनां कृते अन्ताराष्ट्रिय-स्तरीयं शैक्षिक-केन्द्रं भविष्यति, यत्र आधुनिक-प्रौद्योगिकी ई-बुक्-सेवाः चल उपलब्धाः स्युः।
तत: अतिरिक्तं कृषक-राइस-मिल-परिसरे चलमानानि विकास-कार्याणि तथा ऐतिहासिक-पर्वत-मन्दिर-परिसरे प्रस्ताविताः योजनाः अपि समीक्षिताः।
वित्त-मन्त्री पर्वत-मन्दिरं प्राप्य हनुमान-मन्दिर-दर्शनं कृत्वा पर्यटन-सन्दर्भे क्षेत्रस्य अधिक-विकास-साधन-संभावनाम् अधिकारिभ्यः विस्तृतं चर्चितवान्। निरीक्षणकाले सः अवदत् यत् एता: सर्वा: परियोजना: रायगढम् आधुनिक-सुविधासहितम्, दृढ-आधारभूतसंरचनाम्, उत्तम-जीवन-गुणवत्तायुक्तं च नगरं कर्तुं महत्त्वपूर्णं मील-स्तम्भं स्युः, तथा अग्रिमकाले नगरीय-संपूर्ण-विकासे निर्णायकं योगदानं दास्यन्ति।
नगरस्य प्रतिदिनं वृद्धमानं यातायातबलं दृष्ट्वा ट्रांसपोर्ट-नगरे १९.५५ कोटि-रूप्यक-व्यययुक्तं सर्वसुविधायुक्तं अन्तर्राज्यीय-बस-संस्थात्रनिर्माणं क्रियते। अस्मिन् सम्बन्धे वित्त-मन्त्री श्रीचौधरी अवदत् यत् नूतन-बस-संस्थात्र-निर्माणेन नगरस्य अन्तर्गते यातायात-व्यवस्था संशोध्यते, यात्रिभ्यः च उत्तमा: सुविधा: प्राप्स्यन्ति।
हिन्दुस्थान समाचार / Dheeraj Maithani