Enter your Email Address to subscribe to our newsletters
धनबादम्, 17 जनवरीमास (हि.स.)।
उपायुक्त आदित्यरंजनस्य अध्यक्षतायां शनिवासरे समाहरणालयस्थिते सभागारे जन्ममृत्युनिबन्धनकार्यविषये एकदिवसीया जिला स्तरीया प्रशिक्षणसहकार्यशाला आयोजिता। तस्याः उद्घाटनं उपायुक्तेन दीपप्रज्वलनेन कृतम्।
अस्मिन् अवसरें उपायुक्तः अवदत् यत् अद्य ऑनलाइन जन्ममृत्युप्रमाणपत्रनिर्माणस्य आवश्यकता निरन्तरं वर्धते। अतः तस्य समये निष्पादनं अत्यन्तं महत्त्वपूर्णम्। प्रमाणपत्रनिर्माणे विलम्बेन सामान्यजनाः अपि कष्टं अनुभवन्ति। ऑनलाइन निबन्धने फर्जीवाडस्य सम्भावना अपि वर्तते। तस्मात् प्रमाणपत्रनिर्माणकाले सावधानता सतर्कता च अवलम्बनीया। आवेदनेषु गहनतया परीक्षणं करणीयम्। सः निजीचिकित्सालयान् अपि निर्देशितवान् यत् ते समये जन्ममृत्योः विवरणं सांख्यिकीविभागाय प्रेषयेयुः।
प्रशिक्षणसहकार्यशालायां प्रशिक्षकः देवेन्द्रकुमारसिंहः जन्ममृत्युनिबन्धनस्य आवश्यकता तथा तस्य वर्धमानं महत्त्वं रेखांकितवान्। सः सामान्यजनान् समये प्रमाणपत्रग्रहणस्य लाभविषये जागरूकं कर्तुं, शतप्रतिशतं ससमयं निबन्धनं कर्तुं क्रियमाणानां प्रयत्नानां, तथा उत्पद्यमानानां समस्याणां तेषां समाधानानां च विस्तृतं विवेचनं कृतवान्।
अतिरिक्ततया जन्ममृत्युप्रमाणपत्रे निजीचिकित्सालयानां वर्धमानां भूमिकां जनमानसे बोधयितुं, जन्ममृत्यावेदने अपेक्षितायाः सांख्यिकीसूचनायाः राज्यस्य योजनानिर्माणे महत्त्वं, ऑनलाइन निबन्धने वर्तमानस्य फर्जीवाडस्य विषये जनतां जागरूकं कर्तुं, मेडिकल कॉज ऑफ डेथ प्रतिवेदनस्य पूर्णतया कार्यान्वयनं तस्य महत्त्वं च विस्तृततया चर्चितम्।
---------------
हिन्दुस्थान समाचार