-केन्द्रीय मंत्री गडकरी मध्यप्रदेशे 4400 सहस्रकोटिमितानां 8 राष्ट्रिय राजमार्ग परियोजनामकरोत् शिलान्यासम्-एकलक्षकोटिरूप्यकाणां राजमार्ग विकास कार्याणां दत्तवान् अनुमतिम्

भोपालम्, 17 जनवरीमासः (हि.स.)।केन्द्रीयः सडकराजमार्गपरिवहनमन्त्री नितिनगडकरीः अवदत् यत् विकसितस्य आत्मनिर्भरस्य च भारतस्य निर्माणम् अस्माकं कृते केवलं स्वप्नं नास्ति अपि तु एकः दृढसंकल्पः अस्ति। अस्य संकल्पस्य सिद्ध्यर्थं समग्रः देशः एकजुटः एकमतश्च भूत्वा कार्यं करोति। वयं सर्वे मिलित्वा सन् 2047 पर्यन्तं भारतं विकसितं आत्मनिर्भरं च करिष्यामः। देशस्य समग्रविकासरूपे महायज्ञे सर्वाधिकं योगदानं मध्यप्रदेशस्य एव भविष्यति।

शनिवासरे मध्यप्रदेशस्य विदिशानगरे आयोजिते विविधसड्कपरियोजनानां लोकार्पणभूमिपूजनकार्यक्रमे केन्द्रीयः सडकराजमार्गमन्त्री गडकरीः एतानि वचनानि अभाषत। सः अवदत् यत् सम्यग् नेतृत्वेन समर्पितया सरकारया सह पदतालं कृत्वा वयं मध्यप्रदेशं प्रगतिशीलं समृद्धं सम्पन्नं च राज्यं करिष्यामः।

अस्मिन् कार्यक्रमे केन्द्रीयमन्त्री गडकरीः मुख्यमन्त्री डा मोहनयादवः केन्द्रीयकृषिमन्त्री शिवराजसिंहचौहानः च उपस्थिताः आसन्। तैः मध्यप्रदेशस्य विकासं अधिकं वेगेन अग्रे नेतुं विदिशायां 4400 कोटिरूप्यकव्ययेन अष्ट सड्कपरियोजनानां लोकार्पणं भूमिपूजनं च कृतम्।

गडकरीः अवदत् यत् मध्यप्रदेशस्य विकासाय वयं सम्पूर्णशक्त्या सहयोगं दास्यामः। अस्मिन् अवसरॆ सः मध्यप्रदेशसम्बद्धासु विविधासु सड्कपरियोजनासु सहमतिं दत्त्वा प्रायः एकलक्षकोटिरूप्यकाणां नूतनपरियोजनानां अनुमतिं दत्तवान्। सः अवदत् यत् मध्यप्रदेशे केन्द्रीयसडकराजमार्गपरिवहनमन्त्रालयाधीनाः द्विलक्षकोटिरूप्यकव्यययुक्ताः राष्ट्रियराजमार्गविकासपरियोजनाः पूर्वमेव प्रचलन्ति।

केन्द्रीयमन्त्री गडकरीः अवदत् यत् मध्यप्रदेशः कृषिक्षेत्रे अत्यन्तं अग्रणी राज्यं अस्ति। अत्र बासमतीतण्डुलः शरबतीगोधूमः च विश्वप्रसिद्धौ स्तः। केन्द्रीयकृषिमन्त्री चौहानः अन्नदातृणां कल्याणाय निरन्तरं कार्यं करोति। कृषकान् केवलं अन्नदातॄन् न अपि तु ऊर्जादातॄन् हवाईईन्धनदातॄन् डामरदातॄन् च कर्तुं अस्माकं लक्ष्यं अस्ति। नागपुरे कृषकाः एथेनोलस्य उत्पादनं कुर्वन्ति। भारतः प्रतिवर्षं 22 लक्षकोटिरूप्यकं तैलं आयातयति। भोपालविमानपत्तने अद्य विद्युत्कारं दृष्ट्वा अहं हृष्टः अभवम्। देशे इदानीं हाइड्रोजनकारस्य विकासे अपि कार्यं चलति।

सः अवदत् यत् कृषियन्त्राणि कृषकैः निर्मितेन ईन्धनेन एव चालनीयानि स्युः। प्रधानमन्त्रिणः नरेन्द्रमोदिना निर्देशनेन केन्द्रीयमन्त्री चौहानस्य कृषकाणां आयवृद्धये सर्वे सम्भवाः प्रयासाः प्रवर्तन्ते। यदा कृषकाणां आयः वर्धते तदा ते ग्रामात् दूरं न गच्छन्ति।

गडकरीः अवदत् यत् देशे विकासकार्याणां कृते धनस्य अभावः नास्ति किन्तु ग्रामगरीबकृषकहितार्थं ईमानदारीया परिश्रमेण कार्यं कुर्वतां कर्मठजनानां न्यूनता अस्ति। प्रधानमन्त्री मोदीस्य नेतृत्वे वयं भारतं विश्वस्य तृतीयां महार्थव्यवस्थां कर्तुम् इच्छामः। विश्वं अस्माकं अभियन्तॄणां चिकित्सकानां च कौशलं स्वीकुर्वन्ति। अस्माकं ज्ञानस्य वैभवे परिवर्तनमेव सफलतास्वरूपम्। नागपुरनगरे केवलं शौचजलस्य विक्रयणेन 300 कोटिरूप्यकाः प्राप्यन्ते। यदि देशे सम्यग्नेतारः स्युः तर्हि अपशिष्टमपि वैभवं भवति। देशविकासस्य श्रेयः न जनप्रतिनिधीनां अपि तु तान् चयनं कुर्वन्त्याः जनतायाः एव अस्ति।केन्द्रीयमन्त्री गडकरीः अवदत् यत् शनिवासरे मध्यप्रदेशे एकलक्षकोटिरूप्यकव्यययुक्तानां सडकराजमार्गविकासकार्याणां अनुमतिः दत्ता। प्रदेशे अधुना द्विलक्षकोटिरूप्यकव्यययुक्तानि अनेकानि कार्याणि प्रचलन्ति। मुख्यमन्त्री डा यादवस्य नेतृत्वे उद्योगाः आगमिष्यन्ति व्यापारः वर्धिष्यते निर्यातः वर्धिष्यते। युवानां कृते रोजगाराः सृज्यन्ते च मध्यप्रदेशः प्रगतिशीलः समृद्धः सम्पन्नः च भविष्यति। सः अवदत् यत् मध्यप्रदेशस्य विकासाय सडकराजमार्गपरिवहनमन्त्रालयं किञ्चिदपि न्यूनं न करिष्यति। अत्र विस्तीर्णं राजमार्गजालं निर्मास्यते।

महत्त्वपूर्णाः घोषणाः

केन्द्रीयसडकराजमार्गमन्त्री गडकरीः विदिशायां मध्यप्रदेशाय विविधाः सड्कपरियोजनाः घोषितवान्। सः अवदत् यत् 16000 कोटिरूप्यकव्ययेन सागरविदिशाकोटायोः मध्ये नूतनः ग्रीनफील्ड् एक्सप्रेसवेः निर्मीयते। अनेन सागरात् कोटापर्यन्तं दूरी 75 किलोमीटरपरिमाणेन न्यूनतरा भविष्यति। नसरुल्लागञ्जभैरुन्दाबुधनीमार्गः चतुर्लेनयुक्तः राष्ट्रियराजमार्गः रूपेण विकसितः भविष्यति। मध्यप्रदेशे पृथक्पृथक् 50 सड्कानां निर्माणाय 4500 कोटिरूप्यकाः दास्यन्ते। आवश्यकतानुसारं अन्यत् धनमपि अनुमोद्यते। विदिशायां 4000 कोटिरूप्यकव्ययेन उत्तरीपरिधिमार्गः निर्मीयते। 40000 कोटिरूप्यकव्ययेन ग्वालियरभोपालनागपुरमार्गः शीघ्रं अनुमोद्यते यः अग्रे हैदराबादनगरं अपि संयोजयिष्यति। सिंहस्थपर्वणः कृते उज्जैनझालावाडमार्गः सहिताः अन्ये अपि मार्गाः 2500 कोटिरूप्यकव्ययेन निर्मीयन्ते। सीआरएफ् योजनायां मध्यप्रदेशाय सड्कविकासकार्येषु 1600 कोटिरूप्यकाः दास्यन्ते तेषु 400 कोटिरूप्यकाः विदिशालोकसभासंसदीयक्षेत्राय भविष्यन्ति। प्रदेशाय पञ्च वाहनचालनप्रशिक्षणकेन्द्राणि दत्तानि सन्ति। अन्येषां 20 प्रशिक्षणकेन्द्राणां प्रस्तावानाम् अनुमतिः शीघ्रं दास्यते। अटल् एक्सप्रेसवेना सम्बद्धानि सर्वाणि विकासकार्याणि अपि अनुमोद्यन्ते। गोपालपुरात् भैरुन्दापर्यन्तं सड्कमार्गः भूम्यधिग्रहणानन्तरं श्वेतशीर्षककङ्क्रीटेन निर्मीयते।

हिन्दुस्थान समाचार