—भारतस्य मुख्य न्यायाधीशो मुख्यमंत्रिणो योगिनः आदित्यनाथस्य उपस्थितौ इंटीग्रेटेड कोर्ट कॉम्प्लेक्स इत्यस्य आधारस्स्थापितः।

चंदौली, 17 जनवरीमासः (हि.स.)। संस्कृतं भाषान्तरण

उत्तरप्रदेशस्य चन्दौली-जनपदं सहितं महोबा, अमेठी, शामली, हाथरस तथा औरैया-जनपदानां कृते शनिवारवासरः विशेषः ऐतिहासिकश्च अभवत्। चन्दौली-जनपदे भारतस्य मुख्यन्यायाधीशः (सीजेआई) सूर्यकान्तः, प्रदेशस्य मुख्यमन्त्री योगी आदित्यनाथस्य उपस्थितौ, एकीकृत-न्यायालय-परिसरस्य (इंटीग्रेटेड कोर्ट कॉम्प्लेक्स) शिलान्यासं कृतवान्।

अस्मिन् अवसरे इलाहाबाद-उच्चन्यायालयस्य मुख्यन्यायाधीशः अरुणः भंसालीः, सर्वोच्चन्यायालयस्य पञ्च न्यायाधीशाः, तथा इलाहाबाद-उच्चन्यायालयस्य अन्ये अष्टादश न्यायाधीशाश्च उपस्थिताः आसन्।

अस्मिन् अवसरें प्रदेशस्य मुख्यमन्त्री सीजेआईम्, इलाहाबाद-उच्चन्यायालयस्य मुख्यन्यायाधीशं तथा अन्यान् न्यायाधीशान् स्वागतं कृत्वा अवदत् यत् प्रदेशे एकीकृत-न्यायालय-परिसर-निर्माणार्थं धनस्य अभावः नास्ति। पायलट-परियोजनायां एतेषु षट्सु जनपदेषु एकीकृत-न्यायालय-परिसरस्य शिलान्यासः कृतः। अस्य सौगातस्य कारणेन चन्दौली-सहितं प्रदेशस्य षट्सु जनपदेषु अधिवक्तृभिः सह सामान्यजनैः अपि महान् उत्साहः दृश्यते। जनपदे बहुवर्षेभ्यः न्यायालय-भवन-निर्माणस्य या मागणी आसीत् सा अपि पूर्णा भविष्यति।

जनपदे देशस्य सर्वोच्चन्यायालयस्य मुख्यन्यायाधीशस्य सूर्यकान्तस्य तथा प्रदेशस्य मुख्यमन्त्रिणः योगी आदित्यनाथस्य उपस्थितिं दृष्ट्वा व्यापकाः सुरक्षा-व्यवस्थाः कृताः आसन्। सुरक्षायाः दायित्वं एडीजी पीयूषः मोर्डिया, पुलिस-अधीक्षकः आदित्यः लांग्हे इत्येताभ्यां वहितम्।

चन्दौली-जनपदस्य जिलाधिकारीः चन्द्रमोहनः गर्गः अवदत् यत् प्रदेशस्य षट्सु जनपदेषु निर्मीयमानानां एकीकृत-न्यायालय-परिसराणां कुलव्ययः प्रायः पञ्चदश-शत-कोटि-रूप्यकाणि भविष्यति। सः अवदत् यत् चन्दौली-जनपदे निर्मीयमानस्य न्यायालय-परिसरस्य व्ययः प्रायः षट्त्रिंशत्-अधिक-द्विशत-कोटि-रूप्यकाणि भविष्यति, यस्मिन् सप्तत्रिंशत् न्यायालय-कक्षाः, अधिवक्तृणां कक्षाः, न्यायिक-अधिकारीणां आवासाः, जनपद-न्यायाधीशस्य आवासीय-भवनं च अन्तर्भविष्यन्ति। एषा परियोजना प्रायः अष्टादश-मासेषु पूर्णा भविष्यति, तथा च एप्रिल्-मासे 2027 तमे वर्षे कार्यं सम्पूर्णं भविष्यति।

हिन्दुस्थान समाचार