Enter your Email Address to subscribe to our newsletters
प्रयागराजः (उत्तर प्रदेश), 18 जनवरीमासः (हि.स.)। विश्वप्रसिद्धं प्रयागराजः माघमेलापकस्य तृतीयमहत्वपूर्णं स्नानपर्वं मौनी-अमावस्यायाः शुभमुहूर्ते मौन ब्रतस्य स्नानम् आरब्धम् । संगम-तटे आगच्छत्सु सर्वेषु सप्तसु मार्गेषु श्रद्धालूनां निरन्तरः प्रवाहः दृश्यते। सुरक्षायाः दृष्ट्या पुलिस-प्रशासनिक-अधिकारीभिः सततं सीसीटीवी-यन्त्रैः निरीक्षणं क्रियते।
मौनी-अमावस्या-पर्वणि पतित-पावन्योः मातृगङ्गा-यमुना-नद्योः अन्तःसलीलायाः च पवित्रे संगमे ब्रह्म-मुहूर्तादेव मौन-व्रतेन सह श्रद्धालवः संगमे श्रद्धा-स्नानं कृत्वा पुण्य-प्राप्त्यर्थं पूजन-आराधनं कुर्वन्ति।
श्रद्धालूनां सम्मर्द्धः संगमस्य सर्वेभ्यः घाटेभ्यः स्नानोपरान्तं निष्कासयितुं जल-पुलिस-सेनानीनः तथा पुलिस-विभागीय-अधिकारीणः निरन्तरं ध्वनिवर्धक-यन्त्रस्य माध्यमेन अपसरणाय आवाहनं कुर्वन्ति। सुरक्षायाः दृष्ट्या दृढाः व्यवस्थाः कृताः सन्ति।
अस्मिन् पवित्रे अवसरे प्रयागराज-पुलिस-आयुक्तः जोगेन्दर्-कुमार्-सिंहः, मण्डलायुक्ता सौम्या-अग्रवाल्, प्रयागराज-जिलाधिकारी मनीष्-कुमार्-वर्मा, माघ-मेला-पुलिस-अधीक्षकः नीरज्-कुमार्-पाण्डेयः इत्यादयः सर्वे पुलिस-प्रशासनिक-अधिकारीणः निरन्तरं सीसीटीवी-यन्त्रैः निरीक्षणं कुर्वन्ति तथा पुलिस-कर्मभ्यः आवश्यकानि दिशानिर्देशान् ददति।
---------------
हिन्दुस्थान समाचार