Enter your Email Address to subscribe to our newsletters
सिंगूरम्, 19 जनवरीमासः (हि.स.)।
प्रधानमन्त्री नरेन्द्रमोदी रविवासरे अवदत् यत् विकसितभारतस्य लक्ष्यप्राप्तये पूर्वभारतस्य विशेषतः पश्चिमबङ्गालस्य शीघ्रः समावेशी च विकासः अनिवार्यः अस्ति। बन्दरगाहाणां जलमार्गाणां रेलमार्गाणां तथा बहुविध (मल्टीमोडल्) सम्पर्कव्यवस्थायाः सुदृढस्य ढाँचस्य अभावे न औद्योगिकविस्तारः सम्भवति न च युवानां कृते व्यापकस्तरे रोजगारसृजनम्। केन्द्रसरकारा पश्चिमबङ्गालं निर्माणव्यवसायस्य (मैन्युफैक्चरिङ्), व्यापारस्य तथा लॉजिस्टिक्स इत्यस्य वैश्विककेन्द्रं कर्तुं गत एकादशवर्षेभ्यः निरन्तरं निवेशं कुर्वन्ती अस्ति।
प्रधानमन्त्री रविवासरे पश्चिमबङ्गालराज्यस्य हुग्लीजिलायाः सिङ्गूरे अष्टशतत्रिंशत् कोटिरूप्यकाधिकमूल्यकानां विविधविकासपरियोजनानां उद्घाटनं शिलान्यासं च शुभारम्भं कृतवान्। एतासां परियोजनानां उद्देश्यं राज्ये अन्तर्देशीयजलमार्गाणां बन्दरगाहाधारितावसंरचनायाः रेलसम्पर्कस्य हरितपरिवहनस्य च सुदृढीकरणम् अस्ति। एतासु परियोजनासु हुग्लीनद्यां बालागढे विकसितं क्रियमाणं विस्तारितं पोर्टगेट्-प्रणाली अपि अन्तर्भवति। अस्याः परियोजनायाः अन्तर्गतं अन्तर्देशीयजलपरिवहन-टर्मिनल इत्यस्य मार्गोपरिसेतोः च निर्माणं क्रियते। एषा परियोजना श्यामा प्रसाद मुखर्जी बन्दरगाहस्य कोलकातायां क्षमतायां महत्त्वपूर्णं वृद्धिं करिष्यति। अस्य माध्यमेन मालपरिवहनस्य महदंशः कोलकातानगरात् बालागढदिशि स्थानान्तरितः भविष्यति, येन महानगरे यातायातजामः प्रदूषणं च लॉजिस्टिक्स-भारः अपि न्यूनः भविष्यति।
अनेन सह प्रधानमन्त्रीणा कोलकातायां हाइब्रिड्-विद्युत्-कैटामरैन-नौकायाः शुभारम्भः अपि कृतः। विशेष-अल्युमिनियमेन निर्मिता एषा आधुनिकनौका पञ्चाशत् यात्रिकाणां वहनक्षमतेः अस्ति तथा अस्यां वातानुकूलितकक्षः उपलब्धः अस्ति। शून्यउत्सर्जन-प्रणाल्या सञ्चालितः एषः कैटामरैनः हुग्लीनद्यां नागरनदीपरिवहनं पर्यावरणानुकूलपर्यटनं अन्तिमसीमापर्यन्तं सम्पर्कं च प्रोत्साहयिष्यति।
अस्मिन् कार्यक्रमे पश्चिमबङ्गालस्य राज्यपालः सी वी आनन्द बोसः केन्द्रीयः पत्तनपोतपरिवहनजलमार्गमन्त्री सर्बानन्दः सोनोवालः पोतपरिवहनजलमार्गराज्यमन्त्री शान्तनुः ठाकुरः केन्द्रीयशिक्षा-पूर्वोत्तरविकासराज्यमन्त्री सुकान्तः मजूमदारः पश्चिमबङ्गालविधानसभायां विपक्षनेता शुभेन्दुः अधिकारीः सांसदः शमिकः भट्टाचार्यः च सहिताः अनेकाः जनप्रतिनिधयः अधिकारीणश्च उपस्थिताः आसन्।
प्रधानमन्त्री नरेन्द्रमोदी अवदत् यत् विकसितभारतस्य कृते पूर्वभारतस्य विकासः केन्द्रसरकारायाः प्रमुखा प्राथमिकता अस्ति तथा गतद्विदिनीयकार्यक्रमाः अस्य संकल्पस्य अधिकं दृढीकरणं कुर्वन्ति। अस्मिन् द्विदिने तेन पश्चिमबङ्गालसम्बद्धानां शतकोटिरूप्यकाधिकमूल्यकानां विकासकार्याणां शिलान्यासः लोकार्पणं च कर्तुं अवसरः प्राप्तः।
प्रधानमन्त्री अवदत् यत् गतचतुर्विंशतिघण्टाः पश्चिमबङ्गालस्य रेलसम्पर्कस्य कृते ऐतिहासिकाः आसन्। देशस्य प्रथमं वन्देभारत् शयनयानरेलयानं राज्यतः प्रारब्धम् अस्ति तथा बङ्गालराज्यं प्रायः अर्धदर्जनं नूतनानि अमृतभारत् रेलयानानि प्राप्तवान्। रविवासरे त्रयाणां नूतनानां अमृतभारत् एक्सप्रेस्-रेलयानानां शुभारम्भः अपि कृतः, येषु एकं रेलयानं काशी-नगरात् बङ्गालस्य सम्पर्कं अधिकं सशक्तं करिष्यति। तदतिरिक्तं दिल्ली-तमिलनाडु-राज्यानयोः अपि अमृतभारत् एक्सप्रेस् आरब्धाः। तेन उक्तं यत् सम्भवतः गतशतवर्षेषु चतुर्विंशतिघण्टानां मध्ये रेलक्षेत्रे एतादृशं व्यापकं कार्यं कदापि न अभवत्।
प्रधानमन्त्री अवदत् यत् पश्चिमबङ्गाले जलमार्गाणां अपाराः सम्भावनाः सन्ति तथा केन्द्रसरकारा अस्यां दिशायां गम्भीरतया कार्यं करोति। बन्दरगाहैः नदीजलमार्गैश्च सम्बद्धायाः अवसंरचनायाः विकासार्थं केन्द्रसरकारा आवश्यकां सहाय्यां ददाति। अल्पकालपूर्वमेव बन्दरगाह-जलमार्गसम्बद्धानां अनेकानां महत्त्वपूर्णविकासकार्याणां शिलान्यासः कृतः, यानि राज्यस्य देशस्य च विकासाय निर्णायकानि सिद्ध्यन्ति।
प्रधानमन्त्रीः अवदत् यत् बन्दरगाहाः तैः सम्बद्धः इकोसिस्टमः च ते सुदृढाः स्तम्भाः सन्ति, येषां आधारात् पश्चिमबङ्गालं निर्माणव्यवसायस्य व्यापारस्य लॉजिस्टिक्सस्य च वैश्विककेन्द्रं कर्तुं शक्यते। यावत् अधिकं बलं बन्दरगाहाधारितविकासे दत्तं भविष्यति तावत् अधिकाः रोजगारावसराः उत्पत्स्यन्ते। गत एकादशवर्षेषु श्यामा प्रसाद मुखर्जी बन्दरगाहस्य विस्तारार्थं विशालस्तरे निवेशः कृतः तथा सागरमाला-योजनाया अन्तर्गतं अस्य सम्पर्कवर्धनाय मार्गावसंरचना अपि विकसिताऽस्ति।
प्रधानमन्त्रीः अवदत् यत् एतेषां प्रयत्नानां परिणामतः कोलकाताबन्दरगाहे गतवर्षे मालवहनस्य नूतनानि अभिलेखानि स्थापितानि। बालागढे विकसितं क्रियमाणं विस्तारितं पोर्टगेट्-प्रणाली हुग्ली-प्रदेशस्य समीपवर्तीक्षेत्राणां च कृते विकासस्य नूतनद्वाराणि उद्घाटयिष्यति। अनेन कोलकातानगरस्य यातायात-लॉजिस्टिक्स-दबावः न्यूनः भविष्यति तथा मालपरिवहनं अधिकं सुकरं भविष्यति।
तेन उक्तं यत् गङ्गानद्यां विकसितेन जलमार्गेण मालवहनस्य अधिका वृद्धिः भविष्यति तथा एषा सम्पूर्णा अवसंरचना हुग्ली-प्रदेशं वेयरहाउसिङ्-प्रशिक्षणस्य प्रमुखकेन्द्रं कर्तुं सहायकं भविष्यति। अनेन शतकोटिरूप्यकाणां नूतननिवेशः आगमिष्यति तथा सहस्रशः युवानां रोजगारावसराः सृज्यन्ते। लघुव्यापारिणां परिवहनक्षेत्रसम्बद्धानां कृषकाणां च एतेन प्रत्यक्षलाभः भविष्यति, यतः तेषां उत्पादानां कृते नूतनाः बाजाराः उपलब्धाः भविष्यन्ति।
प्रधानमन्त्री अवदत् यत् अद्य भारतः बहुविधसम्पर्कव्यवस्थायां हरितगतिशीलतायां च विशेषं बलं ददाति। निर्बाधपरिवहनं साधयितुं नदीजलमार्गाः मार्गाः रेलमार्गाः विमानपत्तनानि च परस्परं संयोज्यन्ते। अनेन लॉजिस्टिक्सव्ययः परिवहनकाले व्यतीतः समयः च उभयम् अपि उल्लेखनीयतया न्यूनं भवति, यत् भारतस्य आर्थिकस्पर्धाशक्तिं अधिकं सुदृढं करिष्यति।
---------------
हिन्दुस्थान समाचार