Enter your Email Address to subscribe to our newsletters
कोलकातानगरम्, १८ जनवरीमासः (हि.स.)। प्रधानमन्त्री नरेन्द्र-मोदी पश्चिम-बङ्गाल-राज्यस्य भ्रमणस्य द्वितीय-दिने अद्य हुगली-जनपदस्य सिंगूर-स्थले ८३०-कोटि-रूप्यकाणाम् अधिक-मूल्यकाः विविधाः विकास-परियोजनाः राष्ट्राय समर्पयिष्यति। अनेन सह एव सः अत्र त्रीणि नवानि अमृत-भारत-एक्सप्रेस-यानानि आभासीय-रूपेण हरित-ध्वजं दर्शयिष्यति।
एतानि यानानि सन्ति—(१) कोलकाता (हावड़ा)–आनन्द-विहार-टर्मिनल अमृत-भारत-एक्सप्रेस,(२) कोलकाता (सियालदह)–बनारस अमृत-भारत-एक्सप्रेस,(३) कोलकाता (संतरागाछी)–ताम्बरम् अमृत-भारत-एक्सप्रेस।
एषा सूचना आधिकारिक-विज्ञप्तौ प्रदत्ता। भारतीय-जनता-पक्षेण (भाजपा) अपि “एक्स” नामके सञ्चार-माध्यमे प्रधानमन्त्री-मोदिन: कार्यक्रमस्य संक्षिप्त-विवरणं प्रस्तुतम्।
प्रधानमन्त्री नरेन्द्र-मोदी बालागढ़-स्थले विस्तारित-बन्दरगाह-द्वार-प्रणाल्याः आधारशिलां स्थापयिष्यति। अस्यां परियोजनायां अन्तर्देशीय-जल-परिवहन-टर्मिनल (IWT) तथा एकः उपरि-सेतु-मार्गः (ओवरब्रिज) अपि अन्तर्भवतः। प्रायः ९००-एकड़-परिमिते क्षेत्रे विस्तृतं बालागढ़-स्थानम् आधुनिक-भार-वहन-प्रबन्धन-टर्मिनल-रूपेण विकसितं क्रियते। अस्य अनुमानिता क्षमता प्रतिवर्षं प्रायः २७-लक्ष-टन-परिमिता अस्ति।अस्यां परियोजनायां द्वौ विशेष-भार-वहन-घट्टौ निर्मीतयेते—एकः कंटेनर-भार-वहनाय, अपरः शुष्क-भार-वहनाय। बालागढ़-परियोजनायाः मुख्य-उद्देश्यं नगरीय-क्षेत्रेषु अतिभारित-मार्गेभ्यः गुरुभार-वहनस्य अपसारणं कृत्वा माल-निकास-कार्यक्षमतायाम् उल्लेखनीय-संशोधनकरणम् अस्ति।
अनेन कोलकाता-नगरे मार्ग-सुरक्षा वर्धिष्यते, वाहन-सम्मर्दं तथा प्रदूषणं न्यूनं भविष्यति, जनानां जीवन-स्तरे अपि परिवर्तनम् आगमिष्यति। उत्तम-बहु-माध्यम-संयोजनया तथा रसद-कार्यक्षमतया क्षेत्रीय-उद्योगाः, लघु-मध्यम-उद्यमाः (MSME) तथा कृषक-उत्पादकाः न्यून-व्ययेन विपणिं प्रति प्रवेशं प्राप्स्यन्ति।
अस्याः परियोजनायाः माध्यमेन प्रत्यक्ष-अप्रत्यक्ष-रूपेण पर्याप्त-रोजगार-सृजनस्य आशा अस्ति। प्रधानमन्त्री नरेन्द्र-मोदी शनिवासरे अपि आभासीय-रूपेण चत्वारि नवानि अमृत-भारत-एक्सप्रेस-यानानि हरित-ध्वजं दर्शितवान्। तानि यानानि सन्ति—(१) नवी-जलपाईगुड़ी–नागरकोइल अमृत-भारत-एक्सप्रेस,(२) नवी-जलपाईगुड़ी–तिरुचिरापल्ली अमृत-भारत-एक्सप्रेस,(३) अलीपुरद्वार–एस.एम.वी.टी.-बेङ्गलूरु अमृत-भारत-एक्सप्रेस,(४) अलीपुरद्वार–मुम्बई (पनवेल) अमृत-भारत-एक्सप्रेस।
हिन्दुस्थान समाचार / अंशु गुप्ता