बाराबंकीनगरम्, १८ जनवरीमासः (हि.स.)। बसन्त-पञ्चम्या: पावनावसरे २१ जनवरी-दिवसे कलश-यात्रया सह सप्तदिवसीयस्य गायत्री-महायज्ञस्य सरस्वती-पूजन-कार्यक्रमस्य च शुभारम्भः भविष्यति। प्रतिदिनं प्रातः पञ्च-कुण्डीय-गायत्री-महायज्ञः सायं च भगवती-कथा भविष्यति।विगत-त्रयोदश-वर्षाणि इव नगर-पञ्चायत-रामनगरस्य रानी-मोहल्ला-स्थिते ग्रामे अटौटायां आयोज्यमानस्य गायत्री-महायज्ञस्य सरस्वती-पूजन-कार्यक्रमस्य च विधिवत् आरम्भः विशालया कलश-यात्रया सह भविष्यति।

२१ जनवरी-दिने आयोजन-स्थलात् ग्राम-अटौटात् आरभ्य रामनगर-बुढ़वल-चतुष्पथं गत्वा पुनः आयोजन-स्थलं प्रति विशाल-कलश-यात्रा निष्कास्यते।

कार्यक्रम-सञ्चालकः बब्लू-वर्मा अवदत् यत् २१ जनवरी-दिने शतं महिलाः शिरसि कलशं वहन्त्यः पदयात्रायां सम्मिलिष्यन्ति। कलश-यात्रायां मृदंग-नादेन सह अश्वैः तथा गायत्री-मातुः, वैष्णवी-दुर्गा-मातुः, सरस्वती-मातुः, काली-मातुः, भोलेनाथस्य च दिव्य-प्रतिमाभिः शोभा-यात्रा भव्यतां प्राप्स्यति।

प्रतिदिनं प्रातः गायत्री-महायज्ञः सायं च हरिद्वार-स्थितस्य शान्तिकुञ्जस्य प्रसिद्धाचार्येण पङ्कज-शाण्डिल्येन भगवत्याः कथा प्रवक्ष्यते। एषः कार्यक्रमः २८ जनवरी-दिने सांस्कृतिक-कार्यक्रमेण विशाल-भण्डारेण च सम्पन्नः भविष्यति।२९ जनवरी-दिने प्रतिमा-विसर्जनं भविष्यति। कलश-यात्रायां अधिकसंख्यायाः अपेक्षया कार्यकर्तॄणां मध्ये महोत्साहः दृश्यते।

हिन्दुस्थान समाचार / अंशु गुप्ता