पूर्वी-सिंहभूम-जनपदः, १८ जनवरीमासः (हि.स.)। ब्रह्माकुमारी-संस्थायाः संस्थापकस्य परमपूज्यस्य प्रजापिता-ब्रह्मा-बाबा-महोदयस्य ५७तम-स्मृति-दिवसस्य अवसरे जमशेदपुर-नगरे स्थिते यूनिवर्सल-पीस-पैलेस इत्याख्ये केन्द्रे श्रद्धा-शान्ति-सेवाभिः परिपूर्णः भव्यः कार्यक्रमः रविवासरे सफलतया सम्पन्नः। सम्पूर्णे परिसरे आध्यात्मिक-ऊर्जायाः अद्भुतः संचारः दृष्टः, यत्र शतं भगिन्यः भ्रातरश्च ब्रह्मा-बाबा-मधुर-स्मृतिषु मौन-साधनायां राजयोग-ध्यानं च कुर्वन्तः लीनाः आसन्। वातावरणे शान्तेः, पवित्रतायाः, दिव्यतायाश्च अनुभूतिः सर्वान् आगन्तुकान् अन्तःस्पृशति स्म।

अस्मिन् पावन-अवसरे आयोजिते कार्यक्रमे मुख्यातिथिरूपेण जमशेदपुर-भाजपा-पूर्व-जनपदाध्यक्षः दिनेशकुमारः, समाजसेविका विनीता साहा, तथा क्षेत्रिय-समाजस्य अध्यक्षा सीमा-कुमारी-सिंहः उपस्थिताः आसन्। सर्वे अतिथयः ब्रह्मा-बाबा-महोदयस्य जीवनम्, तस्य आदर्शान्, मानवतायै तेन कृतं योगदानं च नत्वा, आध्यात्मिक-मूल्यानां जीवन-व्यवहारेअवलम्बनस्य सन्देशं दत्तवन्त:।

स्मृति-दिवसस्य अवसरे समीपवर्तिनां सेवाकेन्द्राणां केन्द्र-प्रभारिण्य: भगिन्यः अपि यूनिवर्सल-पीस-पैलेस-आगत्य प्रसादं च समर्प्य ब्रह्मा-बाबा-महोदयाय भावपूर्णां श्रद्धाञ्जलिम् अर्पितवत्यः। अस्मिन् कार्यक्रमे प्रायः सहस्रं भगिन्यः भ्रातरश्च सहभागीभूय एकत्र मौन-साधनां कृत्वा ब्रह्मा-बाबा-महोदयं प्रति स्वकृतज्ञतां प्रकटितवन्तः।

सेवाभावेन ब्रह्मा-बाबा-स्मृतिं संयोजयन् अस्मिन् अवसरे एकः दिव्यः रक्तदान-शिविरः अपि आयोजितः। अस्मिन् शिविरे आहत्य षट्-षष्टि-यूनिट-रक्तं संकलितम्, यत् मानव-सेवायाः दिशि महत्त्वपूर्णं योगदानम् आसीत्। सर्वे रक्तदातारः प्रमाण-पत्रैः तथा ईश्वरीय-आशीर्भि: सम्मानिताः।

जमशेदपुर-रक्त-कोषदलस्य सदस्याः अपि ब्रह्माकुमारी-कोल्हान-प्रमुखया अञ्जु-भगिन्या: ईश्वरीय-आशीर्भि: सम्मानिताः।

कोल्हान-प्रमुखा अञ्जु-भगिनी स्व-सन्देशे अवदत् यत् ब्रह्मा-बाबा-महोदयस्य स्मृति-दिवसः अत्यन्तं विशेषः तथा शुभ-संकल्प-सिद्धेः दिवसः अस्ति। शुद्ध-हृदयेन पवित्र-भावेन च कृतः प्रत्येकं संकल्पः अस्मिन् दिने अवश्यं फलति। सा अवदत् यत् अद्य ब्रह्मा-बाबा-महोदयस्य मार्गदर्शनम् अनुसृत्य विश्वे लक्षाधिकाः जनाः स्व-आध्यात्मिक-शक्त्या विश्व-सेवायां विश्व-परिवर्तन-कार्येषु च सहयोगिनः भवन्ति।

अञ्जु-भगिनी रक्तदानं श्रेष्ठं स्वास्थ्यवर्धकं च अभ्यासं मन्यमाना अवदत् यत् एतादृशे पावन-दिने रक्तदानं द्विगुणं पुण्यम् आशीर्वादं च लभते। सा उद्घोषयत् यत् अद्य आरभ्य यूनिवर्सल-पीस-पैलेस-जमशेदपुरे प्रत्येकं त्रैमासिकं नियमित-रूपेण रक्तदान-शिविराणि आयोजितानि भविष्यन्ति।

हिन्दुस्थान समाचार / अंशु गुप्ता