Enter your Email Address to subscribe to our newsletters
कोलकातानगरम्, १८ जनवरीमासः (हि.स.)। प्रधानमन्त्री नरेन्द्र-मोदी पश्चिम-बङ्गाल-राज्यस्य भ्रमणस्य द्वितीय-दिने बहूनां योजनानाम् आरम्भं करिष्यति। रविवासरे प्रधानमन्त्री हुगली-जनपदस्य सिंगूर-स्थले ८३०-कोटि-रूप्यकाणाम् अधिक-मूल्यकानां विविध-विकास-परियोजनानाम् उद्घाटनम्, आधारशिला-स्थापनं तथा हरित-ध्वज-प्रदर्शनं करिष्यति।
तदनन्तरं प्रधानमन्त्री बालागढ़-स्थले विस्तारित-बन्दरगाह-द्वार-प्रणाल्याः आधारशिलां स्थापयिष्यति, यस्यां अन्तर्देशीय-जल-परिवहन-टर्मिनलः (IWT) तथा एकः उपरि-सेतु-मार्गः (ओवरब्रिज) अन्तर्भवतः।
एतैः सह एव सः अत्र त्रीणि नवानि अमृत-भारत-एक्सप्रेस-यानानि आभासीय-माध्यमेन हरित-ध्वजं दर्शयिष्यति। तानि यानानि सन्ति—
(१) कोलकाता (हावड़ा)–आनन्द-विहार-टर्मिनल अमृत-भारत-एक्सप्रेस,
(२) कोलकाता (सियालदह)–बनारस अमृत-भारत-एक्सप्रेस,
(३) कोलकाता (संतरागाछी)–ताम्बरम् अमृत-भारत-एक्सप्रेस।
उल्लेखनीयं यत् शनिवासरे प्रधानमन्त्री नरेन्द्र-मोदी आभासीय-माध्यमेन चत्वारि नवानि अमृत-भारत-एक्सप्रेस-यानानि हरित-ध्वजं दर्शितवान्। तानि यानानि सन्ति—
(१) नवी-जलपाईगुड़ी–नागरकोइल अमृत-भारत-एक्सप्रेस,
(२) नवी-जलपाईगुड़ी–तिरुचिरापल्ली अमृत-भारत-एक्सप्रेस,
(३) अलीपुरद्वार–एस.एम.वी.टी.–बेङ्गलूरु अमृत-भारत-एक्सप्रेस,
(४) अलीपुरद्वार–मुम्बई (पनवेल) अमृत-भारत-एक्सप्रेस।
अमृत-भारत-एक्सप्रेस-यान-सेवया विश्वसनीय-दीर्घ-दूरी-रेल-संयोजने उल्लेखनीय-संशोधनं भविष्यति। एताः सेवाः सामान्य-नागरिकाणां, छात्राणां, प्रवासी-श्रमिकाणां तथा व्यापारिणाम् आवागमन-आवश्यकतानां पूर्तिं करिष्यन्ति, तथा च अन्तर्राज्यीय-आर्थिक-सामाजिक-सम्बन्धान् दृढीकर्तुं साहाय्यं करिष्यन्ति।
प्रधानमन्त्री बालागढ़-स्थले विस्तारित-बन्दरगाह-द्वार-प्रणाल्याः आधारशिलां स्थापयिष्यति, यस्यां अन्तर्देशीय-जल-परिवहन-टर्मिनलः (IWT) तथा उपरि-सेतु-मार्गः अन्तर्भवतः। प्रायः ९००-एकड़-परिमिते क्षेत्रे विस्तृतं बालागढ़-स्थानम् आधुनिक-भार-वहन-प्रबन्धन-टर्मिनल-रूपेण विकसितं क्रियते। अस्य अनुमानिता क्षमता प्रतिवर्षं प्रायः २७-लक्ष-टन-परिमिता अस्ति।
अस्यां परियोजनायां द्वौ विशेष-भार-वहन-घट्टौ निर्मीयते— एकः कन्टेनर-भार-वहनाय, अपरः शुष्क-थोक-भार-वहनाय।
बालागढ़-परियोजनायाः मुख्य-उद्देश्यं नगरीय-क्षेत्रेषु अतिभारित-मार्गेभ्यः गुरुभार-वहनस्य अपसारणं कृत्वा माल-निकास-कार्यक्षमतायां उल्लेखनीय-संशोधनं कर्तुम् अस्ति। अनेन कोलकाता-नगरे मार्ग-सुरक्षा वर्धिष्यते, वाहन-सम्मर्दः तथा प्रदूषणं न्यूनं भविष्यति, तथा निवासिनां जीवन-स्तरे अपि परिवर्तनम् आगमिष्यति। उत्तम-बहु-माध्यम-संयोजनया तथा रसद-कार्यक्षमतया क्षेत्रीय-उद्योगाः, लघु-मध्यम-उद्यमाः (MSME) तथा कृषक-उत्पादकाः न्यून-व्ययेन विपणिं प्रति प्रवेशं प्राप्स्यन्ति।
अस्याः परियोजनायाः माध्यमेन प्रत्यक्ष-अप्रत्यक्ष-रूपेण पर्याप्त-रोजगार-सृजनस्य आशा अस्ति। एतेन रसद-सेवा, टर्मिनल-सञ्चालन, परिवहन-सेवा, अनुरक्षण-कार्य तथा सम्बन्धित-क्रियाकलापेषु रोजगार-सृजनेन स्थानीय-समुदायाः लाभान् प्राप्स्यन्ति।
हिन्दुस्थान समाचार / अंशु गुप्ता