Enter your Email Address to subscribe to our newsletters
जगदलपुरम्, 19 जनवरीमासः (हि.स.)।छत्तीसगढशासनस्य महत्त्वाकाङ्क्षिण्या युवा उत्थान योजनाया अंतर्गतं (वर्ष 2025 26) संघ लोक सेवा आयोगस्य सिविल सेवा परीक्षायाः सज्जाकर्तॄणां चयन प्रक्रिया इदानीम् अग्रिमचरणं प्राप्नोति। आदिम जाति तथा अनुसूचित जाति विकास विभागेन 28 दिसम्बर 2025 तमे दिने आयोजितायाः प्राक्चयन परीक्षायाः परिणामानां आधारेण मेरिट सूचीमध्ये स्थानं प्राप्तवन्तः अभ्यर्थिनः प्रपत्रसत्यापनार्थं नवा रायपुरम् आमन्त्रिताः सन्ति।
विभागीय सूचनानुसारं एषा समग्र सत्यापन प्रक्रिया नवा रायपुर अटल नगर स्थिते इन्द्रावती भवनस्य तृतीय तले मीटिंग हॉल क्रमांक 4 इत्यत्र सम्पन्ना भविष्यति। विभागेन वर्गानुसारं तिथयः निर्धारिताः सन्ति। तदनुसारं अनुसूचित जनजाति वर्गस्य अभ्यर्थिनां दस्तावेज परीक्षणं 27 जनवरी तमे दिने प्रातः 11 वादनतः सायं 4 वादनपर्यन्तं करिष्यते। अनुसूचित जाति तथा अन्य पृष्ठवर्गस्य अभ्यर्थिनां कृते एषा प्रक्रिया अनन्तरदिने अर्थात् 28 जनवरी तमे दिने प्रातः 11 वादनतः सायं 4 वादनपर्यन्तं निर्धारिता अस्ति।
सत्यापन प्रक्रियायां सहभागार्थं अभ्यर्थिभिः कठोरान् निर्देशान् अनिवार्यतः पालनं कर्तव्यम्। ते स्वसह प्राक्चयन परीक्षायाः प्रवेश पत्रम्, कक्षा 10 तथा स्नातकस्य अङ्कसूच्यौ, सक्षम प्राधिकारी द्वारा प्रदत्तं मूल निवास प्रमाण पत्रम् एवं जाति प्रमाण पत्रस्य मूल प्रतियः अनिवार्यतः आनयितव्याः। अतिरिक्तरूपेण नोटरी द्वारा अभिप्रमाणितं स्वघोषणा पत्रम् अपि प्रस्तुतं करणीयम्। अन्य पिछड़ा वर्गस्य अभ्यर्थिनां कृते आय प्रमाण पत्रस्य प्रस्तुति अनिवार्या अस्ति।
यदि कश्चन अभ्यर्थी निर्धारितायां तिथौ काले वा उपस्थितो न भवति अथवा अपूर्ण दस्तावेजान् प्रस्तुतयति तर्हि तस्य दावेदारी न विचार्यते तथा पश्चात् किमपि अभ्यावेदनं मान्यं न भविष्यति। अभ्यर्थिनः मेरिट सूचीं कार्यक्रमस्य च विस्तृत विवरणं विभागीयजालस्थले www.tribal.cg.gov.in इत्यत्र द्रष्टुं शक्नुवन्ति।
---------------
हिन्दुस्थान समाचार