Enter your Email Address to subscribe to our newsletters
नव दिल्ली, 19 जनवरीमासः (हि.स.)।
भारतस्य निर्वाचनायोगः प्रथमं भारत-अन्ताराष्ट्रिय-लोकतन्त्र-निर्वाचन-प्रबन्धन-सम्मेलनम् (आईआईसीडीईएम) २०२६ आयोजनाय पूर्णतया सज्जः अस्ति। एतत् सम्मेलनं २१ तः २३ जनवरी-मासपर्यन्तं अत्र भारत-मण्डपम् इति स्थले आयोजितं भविष्यति। अस्य आयोजनं भारत-अन्तरराष्ट्रीय-लोकतन्त्र-निर्वाचन-प्रबन्धन-संस्थानम् (आईएचआईडीईएम) द्वारा क्रियते।
निर्वाचनायोगस्य मते, आईआईसीडीईएम २०२६ निर्वाचन-प्रबन्धनस्य तथा लोकतन्त्रस्य क्षेत्रे भारतदेशेन आयोजितं सर्वाधिकं विशालं वैश्विकं सम्मेलनं भविष्यति। अस्मिन् सम्मेलने विश्वस्य सप्ततिः अधिकदेशेभ्यः आगताः प्रायः शतं अन्ताराष्ट्रिय-प्रतिनिधयः, अन्ताराष्ट्रिय-संस्थासु कार्यरताः प्रतिनिधयः, भारतस्थित-विदेशी-दूतावासानां प्रतिनिधयः, तथा शिक्षाविदः एवं निर्वाचन-कार्येषु संलग्नाः विशेषज्ञाः अपि भागं ग्रहीष्यन्ति इति अपेक्षा अस्ति।
२१ जनवरी-दिने उद्घाटन-सत्रे मुख्य-निर्वाचन-आयुक्तः ज्ञानेश-कुमारः, निर्वाचन-आयुक्तौ डा॰ सुखबीर-सिंह-संधुः तथा डा॰ विवेक-जोशी च प्रतिनिधीन् स्वागतं कृत्वा कार्यवाहीं प्रारम्भयिष्यन्ति।
एतत् त्रिदिवसीयं कार्यक्रमं निर्वाचन-प्रबन्धन-निकायानां सामान्य-पूर्ण-अधिवेशनैः, उद्घाटन-सत्रेण, ईएमबी-नेतॄणां पूर्ण-सत्रेण, ईएमबी-कार्य-समूह-सभाभिः च सम्पन्नं भविष्यति। तदतिरिक्तं वैश्विक-निर्वाचन-विषयेषु, आदर्श-अन्ताराष्ट्रिय-निर्वाचन-मानदण्डेषु, निर्वाचन-प्रक्रियासु नवाचारेषु तथा श्रेष्ठ-अनुष्ठानेषु आधारितानि विषयपरक-सत्राणि अपि आयोजितानि भविष्यन्ति।
राज्य-तथा संघ-राज्यक्षेत्राणां मुख्य-निर्वाचन-अधिकाऱिणां नेतृत्वे गठिताः, राष्ट्रियैः अन्ताराष्ट्रियैः च शिक्षाविद्भिः समर्थिताः, षट्-त्रिंशत् विषयात्मक-समूहाः अस्य सम्मेलनस्य दौरान गहन-विचार-विमर्शेषु सहभागिता करिष्यन्ति। एतेषु चर्चासु चत्वारः आईआईटी, षट् आईआईएम, द्वादश नेशनल-लॉ-यूनिवर्सिटी, आईआईएमसी इत्यादीनि प्रमुख-शैक्षणिक-संस्थानानि अपि सहभागी भविष्यन्ति।
निर्वाचनायोगः विश्वभरि ईएमबी-समक्षं विद्यमानानां विविध-चुनौतीनां विषये चर्चा-सहयोगयोः संवर्धनाय ईएमबी-सह चत्वारिंशत् अधिकाः द्विपक्षीय-भेटाः करिष्यति। आयोगेन निर्वाचन-सम्बद्धानां सर्वासां सूचनानां तथा सेवाणां कृते ईसीआई-इत्यस्य एकीकृत-डिजिटल-मञ्चः ईसीआईनेट् इत्यस्य औपचारिकं उद्घाटनमपि क्रियते।
एतेषां कार्यक्रमाणां सह भारतदेशे निर्वाचन-प्रक्रियायाः विशालतां जटिलतां च प्रदर्शयितुं एकः विशेषः प्रदर्शनी-कार्यक्रमः अपि आयोजितः भविष्यति। अस्मिन् प्रदर्शने निर्वाचनायोगेन मतदाता-सूची-निर्माणे तथा निर्वाचन-सञ्चालन-व्यवस्थायाः सुदृढीकरणे कृते हाल-कालस्य कृताः पहलाः प्रदर्शिताः भविष्यन्ति।
तथैव विश्वस्य सर्वाधिकं विशालं निर्वाचनं, लोकसभा-निर्वाचनम् २०२४, तस्य आयोजनं प्रकाशयन्ती प्रपत्र-श्रृङ्खला “इण्डिया डिसाइड्स” इति नाम्नी, आईआईसीडीईएम २०२६ इत्यस्य प्रथम-दिने प्रदर्शिता भविष्यति।
------------
हिन्दुस्थान समाचार