Enter your Email Address to subscribe to our newsletters
नव-देहलीनगरम्, १९ जनवरीमासः (हि.स.)। भारतीय-जनता-पक्षस्य (भा.ज.पा.) राष्ट्रीय-कार्यकारी-अध्यक्षः नितिन-नबीन: सोमवासरे अत्र पक्षस्य केन्द्रीय-मुख्यालये प्रचलितायां निर्वाचन-प्रक्रियायां राष्ट्रीय-अध्यक्ष-पदाय स्व-नामाङ्कन-पत्रं समर्पितवान्। भा.ज.पा.पक्षस्य वर्तमान-अध्यक्षः जे.पी.-नड्डा सामाजिक-माध्यम-मञ्चे एक्स इत्यत्र अलिखत् यत् अद्य पक्ष-मुख्यालये राष्ट्रीय-अध्यक्ष-पदस्य निर्वाचनार्थं भा.ज.पा. संसदीय-दलेन सह नितिन-नबीनेन नामाङ्कन-पत्रं पूरितम्।नामाङ्कन-प्रक्रियाकाले रक्षामन्त्री राजनाथ-सिंह:, गृहमन्त्री अमित-शाह:, केन्द्रीय-मन्त्री जे.पी.-नड्डा, नितिन-गडकरी इत्येतै: सह पक्षस्य बहवः वरिष्ठ-नेतारः उपस्थिताः आसन्। तदतिरिक्तं विविध-राज्येभ्यः मुख्यमन्त्रिणः, प्रदेश-एककानां प्रमुखाश्च मुख्यालयं प्राप्तवन्तः तथा अस्यां प्रक्रियायां सम्मिलिताः अभवन्।
पक्षीय-सूत्राणां मते नितिन-नबीन: एव राष्ट्रीय-अध्यक्ष-पदस्य एकमात्रं प्रत्याशी अस्ति। अतः तस्य निर्विरोध-निर्वाचनं निश्चितम् इति मन्यते। पूर्वमेव गुजरात-राज्यस्य मुख्यमन्त्री भूपेन्द्र-पटेल:, छत्तीसगढ-राज्यस्य मुख्यमन्त्री विष्णु-देव-साय: इत्येताभ्यां सह विविध-राज्याणां नेतारः नितिन-नबीनस्य समर्थनार्थं स्व-समर्थन-पत्राणि समर्पितवन्तः।
उल्लेखनीयम् अस्ति यत् भा.ज.पा.पक्षस्य स्थापना ०६ एप्रिल-मासे १९८० तमे वर्षे अभवत्। अद्यावधि पक्षस्य राष्ट्रीय-अध्यक्ष-पदे अटल-बिहारी-वाजपेयी, एल.के.-आडवाणी, मुरली-मनोहर-जोशी, कुशाभाऊ-ठाकरे, बङ्गारू-लक्ष्मण:, एम्.-वेंकैया-नायडू, राजनाथ-सिंह, नितिन-गडकरी, अमित-शाह: तथा जे.पी.-नड्डा इत्येते महानुभावाः आसन्।
हिन्दुस्थान समाचार / Dheeraj Maithani