नव दिल्ली, 19 जनवरीमासः (हि.स.)।

नरेन्द्र मोदी सोमवासरे एकं प्रेरणादायकं संस्कृतसुभाषितं साझा कृतवान्। तेन सः देशवासीन् विशेषतः युवजनान् कर्मणि, परिश्रमे तथा निरन्तरप्रयासे प्रेरितवान्। अस्य सुभाषितस्य माध्यमेन सः स्पष्टं प्रतिपादितवान् यत् जीवने सफलता च समृद्धिश्च केवलं सक्रियतया पुरुषार्थेन च एव प्राप्यते।प्रधानमन्त्रिणा एक्स-माध्यमे एतत् सुभाषितं प्रकाशितम्“अनुत्थाने ध्रुवो नाशः प्राप्तस्यानागतस्य च। प्राप्यते फलमुत्थानाल्लभते चार्थसम्पदम्॥”

अस्य भावार्थः अस्ति यत् उद्यमाभावे मनुष्यः न केवलं भविष्यसम्भावनाः त्यजति, अपि तु पूर्वं प्राप्ताः उपलब्धयः अपि विनश्यन्ति। निरन्तरप्रयासेन उत्थानेन च एव सफलता, फलम् तथा आर्थिकसमृद्धिः प्राप्यते।प्रधानमन्त्रिणः एषः सन्देशः विशेषतः युवकेभ्यः, श्रमिकेभ्यः, उद्यमिभ्यः तथा राष्ट्रनिर्माणे संलग्नेभ्यः सर्वेभ्यः नागरिकेभ्यः आत्मनिर्भरभावं निरन्तरकर्मशीलतां च प्रति प्रेरणां ददाति।

---

नरेन्द्र मोदी तथा केन्द्रीयगृहसहकारितामन्त्री अमित शाह महोदयः च राष्ट्रीय-आपदा-मोचन-बलस्य (राष्ट्रीय आपदा मोचन बल) स्थापना-दिवसे बलस्य शूरकर्मिणां साहसं समर्पणं निस्वार्थसेवां च नत्वा अभिवन्दितवन्तौ।प्रधानमन्त्रिणा आपदाकाले जीवनरक्षणे, रक्षणकार्ये, पुनर्वासे च एनडीआरएफस्य भूमिकां देशाय विश्वाय च आदर्शरूपेण वर्णयित्वा, आपदाप्रबन्धनस्य वैश्विकमानदण्डरूपेण तस्य प्रतिष्ठां प्रतिपादितम्।

गृहमन्त्री अमितशाहः एनडीआरएफं आपदासु राष्ट्रस्य विश्वसनीयं स्तम्भं इति निरूप्य, शहीदजवानानां प्रति श्रद्धाञ्जलिं समर्पितवान्।प्रधानमन्त्री नरेन्द्रमोदीः एक्स-माध्यमे अवदत् यत् आपदायाः प्रत्येकस्मिन् कठिनक्षणे एनडीआरएफस्य जवानाः अग्रिमपङ्क्तौ स्थित्वा जनानां प्राणरक्षणं, रक्षणप्रदानं, आशापुनःस्थापनं च कुर्वन्ति। तेषां व्यावसायिकदक्षता कर्तव्यनिष्ठा च सेवायाः सर्वोच्चमानदण्डान् प्रदर्शयति।प्रधानमन्त्रिणा अपि उक्तं यत् वर्षानाम् अन्तराले एनडीआरएफः आपदापूर्वतैयारी-प्रतिक्रियाक्षेत्रे एकं मानकं स्थापयितवान्, यस्य अन्तरराष्ट्रीयस्तरे अपि सम्मानः प्राप्तः।

केन्द्रीयगृहसहकारितामन्त्री अमितशाहः अपि एक्स-माध्यमे एनडीआरएफ-कर्मिभ्यः स्थापना-दिवसस्य शुभाशयाः प्रेषितवान्। सः अवदत् यत् आपदा-प्रतिरोधक्षम-भारत-निर्माणे मोदी-सर्वकारस्य संकल्पस्य साकारीकरणे एनडीआरएफस्य भूमिका अत्यन्तं महत्त्वपूर्णा अस्ति। अद्य एनडीआरएफः आपदासु राष्ट्रस्य दृढः विश्वसनीयः स्तम्भः जातः। गृहमन्त्रिणा परस्य रक्षणार्थं स्वप्राणान् उत्सृष्टवन्तः शहीदजवानाः नत्वा स्मृताः।

उल्लेखनीयम् यत् राष्ट्रिय-आपदा-मोचन-बलस्य गठनं 2006 तमे वर्षे आपदा-प्रबन्धन-अधिनियमस्य (2005) अधीनं कृतम्। अस्य उद्देश्यं प्राकृतिक-मानवनिर्मित-आपदासु शीघ्रं समन्वितं व्यावसायिकं च राहत-उद्धारकार्यं सुनिश्चितं कर्तुम् अस्ति। एनडीआरएफस्य विशेषप्रशिक्षिताः दलानि भूकम्पे, बाढायां, चक्रवाते, भूस्खलने, औद्योगिकदुर्घटनासु तथा रासायनिक-जीवाणुजन्य-आपदासु नियोज्यन्ते।

---------------

हिन्दुस्थान समाचार