नवदिल्ली, ०२ जनवरीमासः (हि.स.)। प्रधानमन्त्री नरेन्द्र–मोदी महाभारतस्य एकेन श्लोकेन प्रेरणां गृहीत्वा देशवासिनः दृढनिश्चयेन अग्रे गन्तुम् आह्वानं कृतवान्। सः कामनाम् अकरोत् यत् प्रत्येकस्मिन् प्रयत्ने सफलतां प्राप्नुयुः तथा नूतन-वर्षे संकल्पानां सिद्धिः भवेत्।प्रधानमन्त्री नरेन्द्र–मोदी अद्य प्रातः ‘एक्स' माध्यमेन लिखितवान्—“मम कामना अस्ति यत् अग्रिम-काले भवतः प्रत्येकस्मिन् प्रयत्ने सफलतां लभध्वम्। दृढ-संकल्पेन इच्छाशक्त्या च नूतन-वर्षे भवतः संकल्पानां सिद्धिः भवतु।”एतेन सह प्रधानमन्त्रिणा महाभारतस्य उद्योगपर्वणः (१३५/२९) श्लोकः अपि उद्धृतः—

“उत्थातव्यं जागृतव्यं योक्तव्यं भूतिकर्मसु।भविष्यतीत्येव मनः कृत्वा सततमव्यथैः॥”

अस्य श्लोकस्य भावार्थः—उत्तिष्ठेत्, जागरूकः भवेत्, कल्याणकारीषु कार्येषु नियुक्त: स्यात्। “मम कार्यम् अवश्यमेव सिद्धं भविष्यति” इति दृढनिश्चयं मनसि कृत्वा, निरन्तरं शोक-चिन्तारहितः सन् कर्म आचरितव्यम्।प्रधानमन्त्रिणः अयं सन्देशः नववर्षस्य आरम्भे देशवासिनां कृते प्रेरणादायकः, उत्साहवर्धकः च मन्यते।

हिन्दुस्थान समाचार / अंशु गुप्ता