Enter your Email Address to subscribe to our newsletters
सपा अध्यक्षः सांसदैः सह मुख्योपवेशनं ,पीडीए इत्यस्य रणनीतौ 2027 निर्वाचनं जेतुं मंत्रः
लखनऊ, 20 जनवरीमासः (हि.स.)।
समाजवादीपक्षस्य राष्ट्रियाध्यक्षः तथा उत्तरप्रदेशस्य पूर्वमुख्यमन्त्री अखिलेशयादवः मङ्गलवासरे पक्षस्य सर्वैः सांसदैः सह एकां महत्त्वपूर्णां बैठकां कृतवान्। उत्तरप्रदेशस्य राजधानी लखनऊनगरे स्थिते पक्षकार्यालये सांसदैः सह बैठकां कुर्वन् अखिलेशयादवः आगामिनि २०२७ तमे वर्षे भविष्यति विधानसभानिर्वाचनस्य तैयारीम् रणनीतिं च विषये गहनं विचारविमर्शं कृतवान्। पक्षाध्यक्षः अवदत् यत् पीडीए समूहस्य सुदृढीकरणं कृत्वा मतदाता सूची पुनरीक्षणविषये (एसआईआर) अपि महत्त्वपूर्णा चर्चा कृता।
सपा अध्यक्षः अखिलेशयादवः उत्तरप्रदेशे २०२७ तमे वर्षे भविष्यति विधानसभानिर्वाचनं दृष्ट्वा अद्य प्रथमवारं ३७ लोकसभासांसदैः ४ राज्यसभासांसदैः च सह बैठकां कृतवान्। अस्मिन् अवसरः सः सांसदान् स्वस्वसंसदीयक्षेत्रेषु स्थितानां विधानसभास्थानानां विषये प्रतिवेदनं स्वीकृतवान्। विधानसभाप्रत्याशिनां चयनविषये अपि विचारः कृतः तथा निर्वाचनसम्बद्धेषु प्रतिवेदनेषु चर्चा अभवत्। अखिलेशयादवः सांसदान् विशेषगहनपुनरीक्षणस्य (एसआईआर) प्रतिवेदनं अपि स्वीकृतवान्। अस्मिन् सन्दर्भे निर्वाचनायोगस्य प्रतिवेदनानुसारं केषु संसदीयक्षेत्रेषु कियतां मतदातॄणां नामानि न्यूनीभूतानि इति विषये महत्त्वपूर्णा रणनीतिः निर्मिता।
उपवेशनानन्तरं सपा अध्यक्षः स्वस्य सामाजिकमाध्यमखाते “एक्स” इत्यत्र लेखं कृत्वा अवदत्— “सप्तत्रिंशत् जितयिष्यामः सप्तविंशतिम्। वयं सर्वे मिलित्वा पीडीए सरकारं स्थापयिष्यामः। पीडीए ध्वजं समग्रदेशे फलकयिष्यामः।”
अयोध्यायाः सांसदः अवधेशप्रसादः अवदत् यत् अद्यतनबैठके पीडीए (पिछड़ा दलित अल्पसंख्यक) समूहस्य सुदृढीकरणे विशेषः बलः दत्तः। वर्तमानकाले पीडीए समुदायस्य जनाः कष्टं प्राप्नुवन्ति। एतेन नारया वयं २०२७ तमे वर्षे अखिलेशयादवस्य नेतृत्वे पीडीए सरकारं स्थापयिष्यामः। एतेन राज्यस्य कृषकाणां शिक्षकाणां युवानां च लाभः भविष्यति।
सपा सांसदः आनन्दभदौरिया पत्रकारान् अवदत् यत् २०२७ तमे वर्षे उत्तरप्रदेशे सपा पीडीए नारया सह सुदृढं निर्वाचनं करिष्यति। द्वितीयतृतीयांशबहुमतेन प्रदेशे सपा सरकारं स्थापयिष्यति। पीडीए समुदायस्य समस्याः समाधानं प्राप्स्यन्ति। अन्यस्मिन् प्रश्नोत्तरे सः अवदत् यत् साधवः सन्तः शङ्कराचार्याः धर्माचार्याश्च प्रदेशे सुरक्षिताः न सन्ति।
अस्यां संगोष्ठ्यां प्रदेशाध्यक्षः श्यामलालपालः प्रो रामगोपालयादवः सांसदः डिम्पलयादवः रामजीलालसुमनः नरेशउत्तमपटेलः रुचिवीराः च अन्ये सर्वे सांसदाः उपस्थिताः आसन्।
---------------
हिन्दुस्थान समाचार