Enter your Email Address to subscribe to our newsletters
काठमांडूः, 20 जनवरीमासः (हि.स.)।
नेपालदेशस्य पूर्वप्रधानमन्त्री शेर बहादुर देउबा स्वदलेन नेपाली कांग्रेस आगामी प्रतिनिधिसभानिर्वाचनार्थं प्रत्याशित्वं न दत्तम्। तस्य धर्मपत्नी तथा पूर्वविदेशमन्त्री डॉ. आरजू देउबा अपि दलस्य प्रत्याशिसूच्याः बहिः कृता अस्ति। शेरबहादुर देउबा पञ्चवारं देशस्य प्रधानमन्त्रीरूपेण कार्यं कृतवान् अस्ति। अनेन स्पष्टं भवति यत् पञ्चमार्चदिने भविष्यति प्रतिनिधिसभानिर्वाचने सः निर्वाचनरणाङ्गणात् बहिः अभवत्। दलद्वारा तस्य अन्तिमवारं निर्वाचनं कर्तुम् इच्छां उपेक्षिता कृता अस्ति।
गतरात्रौ तस्य निजी सचिवेन विज्ञप्तिः प्रकाशिता, यस्यां आगामी प्रतिनिधिसभानिर्वाचने देउबस्य प्रत्याशिरूपेण न उत्थानं भविष्यति इति सूचितम्। पत्रकाराणां प्रति एकवाक्यात्मकं सन्देशं प्रेषयन् देउबस्य निजी सचिवः भानु देउबा लिखितवान्—
“नेपाली कांग्रेसस्य अध्यक्षः तथा पूर्वप्रधानमन्त्री शेर बहादुर देउबा आगामी प्रतिनिधिसभानिर्वाचने प्रत्याशी न भविष्यति।”
अनेन निर्णयेन सह तस्य चतुस्त्रिंशद्वर्षपर्यन्तं अविरतं प्रचलितः संसदीयसफरः विरामं प्राप्तवान्। निरन्तरं सप्तवारं निर्वाचनविजयं प्राप्तवतः देउबस्य कृते एषः निर्णयः तीव्रः आघातः मन्यते। किञ्चित्कालपूर्वं सार्वजनिककार्यक्रमे तस्य उक्तिः विशेषचर्चायाः विषयः अभवत् यत्— “ज्योतिषिणा मम उक्तं यत् त्वं सप्तवारं प्रधानमन्त्री भविष्यसि।”
‘जेन–जी’ आन्दोलनकाले देउबा-दम्पत्योः उपरि आक्रमणमपि अभवत् इति अपि ज्ञायते।
---------------
हिन्दुस्थान समाचार