Enter your Email Address to subscribe to our newsletters
काठमांडूः, 20 जनवरीमासः (हि.स.)।
सुशीलाकार्की-शासनस्य शिक्षाविज्ञान-प्रौद्योगिकीमन्त्री महावीर पुन स्वपदात् इस्तीफां दत्तवान्। गतचतुर्विंशतिघण्टासु सुशीलाकार्की-सर्वकारं परित्यज्य पुनः तृतीयः मन्त्री अभवत्। वित्तमन्त्री रामेश्वर खनाल सामाजिकमाध्यमेन पुनस्य इस्तीफाविषये सूचनां दत्तवान्। सः फेसबुक्-माध्यमे अलिखत् यत् “महावीर पुनः स्वअभियाने अधिकसक्रियः भवितुं त्यागपत्रं दत्तवान्।”
अद्यापि एतत् स्पष्टं न अभवत् यत् सः कस्मात् दलात् अथवा कस्मिन् क्षेत्रे निर्वाचनं करिष्यति। प्रधानमन्त्रिणः सचिवालयेन अपि शिक्षामन्त्रिणः इस्तीफायाः पुष्टिः कृता अस्ति। महावीर पुनः गतवर्षे ‘जेन-जी’ आन्दोलनानन्तरं निर्मितायां सुशीला कार्की सर्वकार शिक्षामन्त्रिरूपेण नियुक्तः आसीत्।
मङ्गलवासरे पुनस्य त्यागः पूर्वं सोमवासरे अन्यौ अपि द्वौ मन्त्रिणौ स्वपदात् विरतौ अभवताम्। युवा-क्रीडामन्त्री बबलू गुप्ता तथा सूचनासञ्चारमन्त्री जगदीश खरेल निर्वाचनार्थं मन्त्रीपदात् इस्तीफां दत्तवन्तौ। उभौ अपि राष्ट्रिय स्वतंत्र पक्षः इति दलस्य प्रत्याशिरूपेण निर्वाचनं करिष्यतः।
---------------
हिन्दुस्थान समाचार