रोमः (इटली), 20 जनवरीमासः (हि.स.)।

इटलीदेशस्य प्रसिद्धः फैशन्-डिज़ाइनरः वैलेंटिनो गरावानी त्रिनवतिवर्षीयायाम् आयुषि दिवंगतः। सः विंशतिशताब्द्याः फैशन्-जगतः बेताजः सम्राट् इति ख्यातः आसीत्। स्वनाम्ना स्थापितेन फैशन्-हाउसद्वारा इटैलियन्-ग्लैमरस्य प्रचारविस्तारे तस्य अत्यन्तं महत्त्वपूर्णा भूमिका आसीत्।

तस्य फाउण्डेशनद्वारा सोमवासरे इन्स्टाग्राम्-माध्यमे सूचितं यत्— “वैलेंटिनो गरावानी अद्य रोम्नगरे स्थिते स्वगृहे स्वप्रियजनानां मध्ये दिवंगतः।” The Guardian इति समाचारपत्रस्य प्रतिवेदनानुसारं वैलेंटिनोस्य पार्थिवशरीरं बुधवासरे तथा गुरुवासरे रोम्नगरे फाउण्डेशनस्य मुख्यालये स्थाप्यते। तस्य अन्त्येष्टिकर्म शुक्रवासरे इटलीदेशस्य राजधानी रोम्नगरे सम्पन्नं भविष्यति।

इटलीदेशस्य प्रधानमन्त्रिणी जियोर्जिया मेलोनी एक्स्-माध्यमे श्रद्धाञ्जलिं दत्त्वा अवदत्— “वैलेंटिनो शैलीस्य तथा सौन्दर्यस्य निर्विवादः आचार्यः, इटैलियन्-हाई-फैशनस्य च शाश्वतः प्रतीकः आसीत्। अद्य इटलीदेशः एकं दन्तकथासदृशं महापुरुषं हतवान्। तस्य विरासत् भावीपीढीः निरन्तरं प्रेरयिष्यति।”

“वैलेंटिनो” इत्येव नाम्ना विश्वविख्यातः अयं डिज़ाइनरः 1959 तमे वर्षे स्वकीयं फैशन्-हाउसं स्थापितवान्। शीघ्रमेव सोफिया लॉरेन तथा एलिजाबेथ टेलर तस्य प्रशंसिकासु अभवन्। सः 1961 तमे वर्षे माइकल एंजेलो एंटोनियोनी निर्देशितायां La Notte नामकायां चलचित्रे मोनिका विट्टी इत्यस्याः परिधानानि अलङ्कृतवान्।

षष्टितमे दशके जैकी कैनेडी दीर्घकालं तस्य निर्मितानि वस्त्राणि धारितवती। सा 1968 तमे वर्षे एरिस्टोटल ओनासिस इत्यनेन सह विवाहं कृतवती।

रक्तवर्णीयं वस्त्रं वैलेंटिनोस्य विशिष्टचिह्नं (सिग्नेचर्) आसीत्। आरम्भात् एव तस्य शैलीस्य अङ्गं सन् तस्य प्रथमसंग्रहे “फिएस्टा” इति नाम्ना प्रसिद्धा रक्तवर्णीया ट्यूल्-ड्रेस् आसीत्। तेन उपयुक्तः रक्तवर्णः इत्थं प्रसिद्धः अभवत् यत् Pantone नामकया वर्णप्राधिकरणसंस्थया आधिकारिकरूपेण मान्यताम् अलभत।

वैलेंटिनो पञ्चचत्वारिंशत् वर्षपर्यन्तं फैशन्-जगतः शिखरे स्थितः। 2007 तमे वर्षे सः संन्यासं गृहीतवान्। नाओमी कैंपबेल तथा क्लॉडिया शिफर इत्यादयः प्रसिद्धाः मॉडलाः प्रायः तस्य वस्त्राणि धारयन्त्यः दृष्टाः। जूलिया रॉबर्ट्स, लॉरा लिनी तथा पेनेलोप क्रूज़ इत्यादयः अभिनेत्र्यः रेड्-कार्पेट्-अवसरेषु तस्य परिधानानि धारयन्त्यः स्म। वेल्सदेशस्य राजकुमारी प्रिंसेस डायना अपि विवाहविच्छेदानन्तरकाले तस्य निर्मितानि वस्त्राणि धारितवती।

अयं फैशन्-डिज़ाइनरः 1932 तमे वर्षे मिलान्नगरस्य समीपे स्थिते वोगेरा नामके नगरे जातः। तस्य मातृया तस्य नाम प्रसिद्धस्य इटैलियन्-अभिनेता रूडोल्फ वैलेंटिनो इत्यस्य स्मरणार्थं कृतम्। बाल्यकालस्य अनुभवानि एव तस्य भाविकरियरस्य रूपनिर्माणे सहायकानि अभवन्। वैलेंटिनो सर्वदा सूट्-परिधानं कृत्वा अत्यन्तं परिपूर्णः, शालीनः च दृश्यते स्म।

---------------

हिन्दुस्थान समाचार