Enter your Email Address to subscribe to our newsletters
मीरजापुरम्, 20 जनवरीमासः (हि.स.)।
उत्तरप्रदेशस्य मीरजापुरजनपदे जमालपुरक्षेत्रस्य गौरीग्रामे आयोजितायां पञ्चदिवसीयायां संगीतमयायां श्रीरामकथायां विश्रामदिवसे मङ्गलवासरे श्रद्धाभक्त्योः अद्भुतः संगमः दृष्टः। वृन्दावनात् आगता कथावाचिका पण्डिता रश्मि मिश्रया धनुष्यज्ञस्य परशुरामसंवादस्य च मार्मिकां कथां श्रावयित्वा श्रोतॄन् भावविभोरान् अकरोत्। कथापण्डाले पुनः पुनः उद्भूतैः “जय श्रीराम” “राधे राधे” इति जयघोषैः सम्पूर्णं वातावरणं भक्तिमयं अभवत्।
कथायां पण्डिता रश्मि मिश्रया रामनाममहिमा विस्तरेण निरूपिता। सा अवदत् यत् प्रभोः नामजपेन जीवनस्य कल्याणं भवति समाजे च सौहार्दस्य संस्काराणां च विकासः जायते। सा अपि अवदत् यत् शिक्षा जीवनमूल्यानां बोधस्य कुञ्जिका अस्ति शिक्षायाः बलात् एव समाजसंस्कृतिसंस्काराणां संरक्षणं सम्भवति।
धनुष्यज्ञप्रसङ्गे सा अवदत् यत् सत्यशक्तिः बाहुबले न निहिता अपि तु धैर्ये संयमे सत्ये च निहिता। परशुरामसंवादेन भगवान् श्रीरामेण प्रदर्शितं धैर्यं धर्मं मर्यादां च अद्यतनसमाजस्य प्रेरणास्रोतत्वेन वर्णयामास। सा अवदत् यत् अहङ्कारभङ्गाय बलस्य आवश्यकता नास्ति अपि तु नम्रतायाः मर्यादायाश्च आवश्यकता वर्तते।
अस्मिन् अवसरे पूर्वब्लॉकप्रमुखः आनन्दसिंहः बण्टू ग्रामप्रधानाः विभासिंहः गुड्डुसिंहः रामविलासचौबे बब्लुचौबे हरिवंशसिंहः किशोरसिंहः प्रमोदतिवारी दिनेशयादवः च सह बहवः श्रद्धालवः उपस्थिताः आसन्।
-------------
---------------
हिन्दुस्थान समाचार