Enter your Email Address to subscribe to our newsletters
टेढिनीम-महंतावासे तिलकोत्सवः, सप्तर्षि-आरार्तिक्या: पूर्वं तिलकं लेप्यते
वाराणसीनगरम्, २० जनवरीमासः (हि.स.)। उत्तरप्रदेशस्य धार्मिक-नगरी वाराणसीमध्ये वसन्त-पञ्चमीपर्वणि २३ जनवरीमासस्य सायं श्री–काशी–विश्वनाथस्य पंचबदन–रजत-प्रतिमायै तिलकं सम्प्रदास्यते। धर्म–नगरीे प्रतिवर्षम् इव बाबा-विश्वनाथस्य तिलकोत्सवं प्रति उत्साहः शिवभक्तेषु दृश्यते।
वसन्त-पञ्चम्या: दिने टेढिनीम-स्थिते काशी–विश्वनाथ-मन्दिरे पूर्व–महंतावासे बाबा–विश्वनाथस्य परम्परागत–तिलकोत्सवः संपाद्यते। एवं शुभा हरिद्रा च बाबा–विश्वनाथस्य लोकपरम्परायाः आरम्भे प्रयुक्ता भविष्यति। एषा परम्परा रागयुक्ता–एकादशीपर्यन्तं गौरा–गौनापर्यन्तं विस्तीर्णा भविष्यति।
विश्वनाथेन सम्बद्धा वैवाहिकी-लोकपरम्पराणामायोजनै: सम्बद्ध: शिवांजले: संयोजक: संजीवरत्नमिश्र: ज्ञापितवान् यत् अस्मिन् अवसरे महन्तावासे परिवारस्य वरिष्ठ–सदस्याया: मोहिनी–देव्या: सान्निध्ये अंकशास्त्री महन्त–वाचस्पति–तिवारीणां विशेष–पूजा ११ वैदिक–ब्राह्मणैः सह सम्पाद्य विशेष–श्रृंगारः भविष्यति। ततः सायंकाले, लग्नानुसारं, विश्वनाथ–मन्दिरे सप्तर्षि–आरार्तिक्या: पूर्वं, काशीवासिनः वैदिक–विधि–विधानपूर्वकं बाबा–प्रतिमायै तिलकोत्सवम् अर्पयिष्यन्ति।
बसन्त-पञ्चमी काशीनगरे २३ जनवरी २०२६ तमे आयोजयिष्यते
काशीपुराधिपतेः नगरीमध्ये वसन्त-पञ्चमी पर्व २३ जनवरी २०२६ तमे दिने आयोजयिष्यते। ज्ञान–विद्यायाः अस्मिन् पर्वणि पूजापण्डालानां निर्माणकार्यम् आरब्धम्। विद्युत्-सज्जायाः कार्यं तीव्रगत्या प्रचलति। मूर्ति–कलाकाराः मातु: सरस्वती–देव्याः मूर्तये अन्तिमरूपं दातुं प्रयत्नशीलाः वर्तन्ते।
ज्योतिषविद् मनोज–उपाध्यायः अवदत् यत् माघ–मासस्य शुक्ल–पक्षे पंचम्यां तिथौ वसन्त-पञ्चमी पर्व मन्यते। अस्यां तिथौ मातु: सरस्वती–देव्याः पूजार्चना क्रियते। माता सरस्वती विद्याया: बुद्धे: कलाया: सङ्गीतस्य वाण्याश्च देवी अस्ति। वसन्त–पञ्चमी पर्वणि पीतवस्त्रधारणं, पीतफूल–अर्पणं, पीत–प्रसादेन पूजनं च बुद्धिं तीव्रयति।
माघ–शुक्ल–पञ्चमी तिथिः २३ जनवरीमास: २०२६ (शुक्रवासरः) रात्रौ ०२:२८ बजे आरभ्स्यते, तथा २४ जनवरीमास: २०२६ (शनिवासरः) रात्रौ ०१:४६ बजे समाप्स्यते। अतः उदया–तिथिनिरपेक्षं वसन्त–पञ्चमी २३ जनवरीमासे मन्यते। सूर्योदयः प्रातः ७:१५ वादने भविष्यति, यदा पंचमीतिथि विद्यमानास्ति। पूजाकर्मणि शुभ–अभिजीत–मुहूर्तः मध्याह्ने ११:५०–१२:४० वादने, अमृत–कालः च सर्वोत्तमः। अस्मिन् काले मातु: सरस्वतीदेव्या: पूजा तथा पूजापण्डाले प्रतिष्ठापित–मूर्तिषु प्राण–प्रतिष्ठा सम्पत्स्यते।
हिन्दुस्थान समाचार / Dheeraj Maithani