Enter your Email Address to subscribe to our newsletters
नवदेहली, २० जनवरीमासः (हि.स.)।भारतीय–जनता–पक्षस्य (भा.ज.पा.) नवनिर्वाचितः राष्ट्रिय-अध्यक्षः नितिन–नबीनः स्वस्य प्रथम-संबोधने प्रधानमन्त्री नरेन्द्र–मोदिं प्रति कृतज्ञतां व्यक्तवान्। सः अवदत् यः जनानां भावनाभिः यः सम्बन्धं स्थापयितुं शक्नोति, स एव महान् भवति।कार्यकर्तारूपेण सः प्रधानमन्त्री–मोदिना देशसेवायाः कार्याणि कुर्वन्तं दृष्टवान्। तस्मात् सः अवगतवान् यत् यः स्वं जनभावनाभिः संयोक्तुं शक्नोति, स एव महान् पुरुषः भवति।भा.ज.पा.-पक्षे राजनीतिः पदभारः न, अपि तु उत्तरदायित्वं भवति इति सः प्रतिपादितवान्।
मोदिना सह कृतस्य एकस्य कार्यक्रमस्य स्मरणं कुर्वन् नितिन–नबीनः अवदत्—“मम स्मृतौ अस्ति यत् प्रथमवारं गुजरात-राज्यस्य आणन्द-नगरे भवता सह एकस्मिन् कार्यक्रमे भागं गृहीतवान् अस्मि। तदा सद्भावना–अभियान–कार्यक्रमस्य समये भवन्तं प्रत्येकं व्यक्तेः वचनं सावधानतया शृण्वन्तं दृष्टवान्। कार्यक्रम-समाप्तेः अनन्तरं यदा भवता स्वकक्षे अस्मान् सम्बोधितं, तदा भावुकतया स्पष्टं कृतं यत् किमर्थं गुजरातात् एतावन्तः जनाः आगताः आसन्। तस्मिन् दिने मया अवगतम् यत् यः जनभावनाभिः संयोज्यते, स एव महान् भवति।”
सः अवदत् यत् यदि अद्य भा.ज.पा. विश्वस्य सर्वातिवृहत्तम: राजनैतिक-पक्षः अस्ति, तस्य कारणं प्रेरणादायकं नेतृत्वं, दृढा विचारधारा तथा कार्यकर्तॄणाम् अथक-परिश्रमः एव। सः कार्यकर्ता यः निरन्तरं कार्यं करोति, यः कठिनातिकठिन-परिस्थितौ अपि भारतस्य ध्वजं न अवनमयति, यः गर्वेण वदति— “तेरा वैभव अमर रहे मां।”
नितिन–नबीनः विपक्षी-पक्षान् लक्ष्यीकृत्य अवदत् यत् तमिलनाडु-राज्यस्य एकस्मिन् पर्वते पवित्रस्य कार्तिगै-दीपम-पर्वणः आयोजनं निरोद्धुं प्रयासः कृतः। एषा एकमात्रा घटना नास्ति; विपक्षेन अन्याः अपि परम्पराः अवरोद्धुं षड्यन्त्रं कृतम्। एकस्य न्यायाधीशस्य विरुद्धं महाभियोगस्य प्रयासः अपि कृतः। सोमनाथ-नगरे गौरव-पर्वण: आयोजनं विपक्षीजनानां कृते असहजतां जनयति। सः अवदत् यत् एतादृश्य: परम्पराः निरोद्धुं प्रयतमानाः शक्तयः अवश्यं समुद्धर्तव्याः। राम-सेतोः अस्तित्वं न अङ्गीकुर्वन्तः तथा कार्तिगै-दीपम-पर्वण: विरोधिनः जनाः भारतीय-राजनीत्यां स्थानं न प्राप्नुयुः— इति सर्वैः सुनिश्चितं कर्तव्यम्। यह: एतस्य पर्वण: विरोधं करोति तस्या कृते राजनीत्यां स्थानं नास्ति।
सः अवदत् यत् अग्रिममासेषु तमिलनाडु-असम-पश्चिमबङ्गाल-केरल-पुडुचेरी-राज्येषु निर्वाचनानि भविष्यन्ति। एतेषां राज्यानां जनसांख्यिकीविषये व्यापकः विचारः क्रियते। परिवर्तमाना जनसांख्यिकी तत्रत्यां स्थितिं परिवर्तयति, या अस्माकं कृते समस्या अस्ति। तथापि पूर्णः विश्वासः अस्ति यत् भा.ज.पा.-कार्यकर्तारः स्वसंघर्षेण कठोर-परिश्रमेण च एतेषु पञ्चसु राज्येषु पक्षं सफलतां दापयिष्यन्ति।
उल्लेखनीयम् यत् १९८० तमे वर्षे जातः नितिन–नबीनः स्वस्य राजनैतिक-यात्रायाः आधारं राष्ट्रीय-स्वयंसेवक-सङ्घस्य कठोर-अनुशासनात् अटल-राष्ट्रभक्तेश्च आरब्धवान्। गतद्वयोः दशकेषु सः स्वपरिश्रमेण दूरदर्शितया च भा.ज.पा.-संघटने साधारण-कार्यकर्तृत्वात् आरभ्य पूर्णकालिक-राष्ट्रिय-अध्यक्षस्य महत्त्वपूर्ण-उत्तरदायित्वं यावत् गतिम् अकरोत्।
२००६ तमे वर्षे सः पटना-पश्चिम-क्षेत्रात् प्रथमवारं विधायकः भूत्वा जनसेवायाः संकल्पं कृतवान्। बिहार-सर्वकारे मन्त्रीरूपेण सः पथ-निर्माण-विभागे नगर-विकास-विभागे च अभूतपूर्व-संशोधनानि अकरोत्।
हिन्दुस्थान समाचार / Dheeraj Maithani