Enter your Email Address to subscribe to our newsletters
कठुआ, ०३ जनवरीमासः (हि.स.)।आगामी गणतन्त्र–दिवस–२०२६–समारोहस्य आयोजनस्य सज्जाविषये हीरानगर–उपमण्डल–उपायुक्त: फुलैल–सिंहः (जेकेएएस) अधिकारिभिः सह एकां महत्त्वपूर्णां सभां कृतवान्।
अस्यां सभायां राजस्व–विभागस्य, आरक्षी–विभागस्य, शिक्षा–विभागस्य, स्वास्थ्य–विभागस्य, अभियान्त्रिकी–विभागस्य, केन्द्रीय–आरक्षी–बलस्य (सीआरपीएफ), अग्निशमन–आपत्कालीन–सेवानां च तथा अन्येषां सम्बन्धित–विभागानां अधिकारिणः उपस्थिताः आसन्। सभायां गणतन्त्र–दिवस–समारोहस्य सुव्यवस्थित–सफल–सञ्चालनं प्रति विस्तृतः विचार–विमर्शः अभवत्।
पथसंचालन–आयोजनम्, सांस्कृतिक–कार्यक्रमाः, सुरक्षा–व्यवस्था, स्वच्छता, विद्युत्–आपूर्तिः, पेयजल–व्यवस्था, चिकित्सकीय–सुविधाः, यातायात–प्रबन्धनम् तथा समग्र–समन्वय–व्यवस्थाः इत्यादीनां विषयाणां दायित्वं सम्बन्धित–विभागेभ्यः समर्पितम्। हीरानगर–एस.डी.एम.-महोदयेन राष्ट्रीय–उत्सवस्य पूर्ण–गरिमया, अनुशासनेन उत्साहेन च सम्पन्नतायै अन्तर–विभागीय–समन्वयस्य तथा समर्पित–कार्याणां समयबद्ध–पूर्णतायाः विशेषः आग्रहः कृतः।
अधिकारिणः निर्धारित–कालसीमायां अनुपालन–प्रतिवेदनं प्रस्तोतुं निर्देशिताः। सभाया: समापनं हीरानगरे गणतन्त्र–दिवस–समारोहं भव्य–सफलतां नेतुं दृढ–संकल्पेन अभवत्।
हिन्दुस्थान समाचार / अंशु गुप्ता