Enter your Email Address to subscribe to our newsletters
कानपुरम्, ०३ जनवरीमासः (हि.स.)। उत्तरप्रदेशस्य कानपुर–जनपदे स्थिते पतारा–विकास–खण्डे राष्ट्रीय–सड़क–सुरक्षा–मासस्य अन्तर्गतं सड़क–सुरक्षा तथा जीवन–रक्षा–विषये जनजागरण–संगोष्ठी आयोजिता। अस्यां संगोष्ठ्यां कैशलेस–उपचार–व्यवस्थातः आरभ्य ‘नो–हेल्मेट्–नो–फ्यूल्’–अभियानपर्यन्तं विविध–योजनानां विषये जना: अवबोधिता:।
एआरटीओ-प्रवर्तन-कहकशां शनिवासरे अवदत् यत् उत्तरप्रदेशस्य मुख्यमन्त्रिणः निर्देशानुसारं परिवहन–विभागस्य यात्री–मालवाहन–अधिकारिणः, पञ्चायती–राज–विभागस्य सहायक–विकास–अधिकारी (पञ्चायत), होमगार्ड–विभागस्य ‘आपदा–मित्र’ इत्याख्यानां, विविध–विभागानां अधिकारिणः, ग्राम–प्रधानाः, बीडीसी–सदस्याः तथा क्षेत्रस्य सम्मानित–नागरिकाः अस्यां संगोष्ठ्यां उपस्थिताः आसन्। कार्यक्रमे सड़क–दुर्घटनानां निवारणार्थं यातायात–नियमपालनस्य महत्त्वे विशेषं बलं दत्तम्।
तया अवदत् यत् अधिकारिभिः मुख्यमन्त्रिणा समये–समये निर्गतानां निर्देशानां तथा सड़क–सुरक्षासम्बद्धानां योजनानां विस्तृतं विवरणं प्रदत्तम्। अत्र सड़क–दुर्घटना–पीडितानां कृते कैशलेस–उपचार–सुविधा, ‘हिट्–एण्ड्–रन्’–प्रकरणेषु साहाय्यम्, सोलेशियम्–योजना, राहवीर–योजना तथा ‘नो–हेल्मेट्–नो–फ्यूल्’–अभियानस्य प्रावधानानि सम्यक् प्रतिपादितानि। अस्मिन् अवसरे जनजागरण–पत्रकाणां वितरणमपि कृतम्।
एआरटीओमहोदया अवदत् यत् होमगार्ड–विभागस्य आपदा–मित्रैः, परिवहन–विभागस्य प्रवर्तन–अधिकारीभिः तथा अन्य–विभागीय–अधिकारीभिः शिरस्त्राणस्य (हेल्मेट्) तथा सीट्–बेल्ट-इत्यस्य अनिवार्य–उपयोगः, मद्यपानावस्थायां वाहन–चालन–निषेधः, अतिवेग–चालन–परिहारः, हलयन्त्र–वस्तुवहन-वाहनयोः यात्रि–आरोहण–निषेधः, अत्यधिक-तुषार–काले मन्द–वेगेन वाहन–चालनम्, रिफ्लेक्टिव्–टेप्–दीप–उपयोगश्च इत्यादीनां विषये विस्तृतं मार्गदर्शनं प्रदत्तम्।
संगोष्ठ्याः अन्ते ग्राम–प्रधानान् प्रति उक्तं यत् ते स्वेषु ग्राम–सभासु सड़क–सुरक्षा–विषये जनजागरणं प्रसारयेयुः तथा नागरिकान् यातायात–नियमपालनाय प्रेरयेयुः।
हिन्दुस्थान समाचार / अंशु गुप्ता