Enter your Email Address to subscribe to our newsletters
अजमेरनगरम्, ०३ जनवरीमास: (हि.स.)। अजमेर–जनपदे स्थिते तीर्थराजपुष्करे शनिवासरे पौष–मासस्य पूर्णिमा–तिथौ पवित्रे पुष्कर–सरोवरे विशेष–स्नानस्य शुभारम्भः अभवत्। अति-शैत्येऽपि सहस्रशः श्रद्धालवः सरोवरजले स्नानं कृत्वा ब्रह्मा–मन्दिरस्य दर्शनं कृतवन्तः तथा दान–पुण्य–कर्माणि च आचरितवन्तः। एषः स्नान–दान–अनुष्ठान–क्रमः समग्रं मासं यावत् प्रवर्तिष्यते।
पौष–पूर्णिमायाः अवसरं दृष्ट्वा सायंकाले जयपुर–घट्टे पञ्चभ्यः मञ्चेभ्यः पुष्कर–सरोवरस्य दिव्य–महा–आरार्तिक्यम् आयोजितमभवत्। दिव्य–महा–आरार्तिक–संघ–पुष्करस्य पक्षत: प्रतिमासं पूर्णिमा–दिने आयोज्यमानायाः दिव्य–महा–आरार्तिक्या: एव क्रमः अयम् आसीत्। नववर्षस्य २०२६ तमे वर्षे प्रथमायाः दिव्य–महा–आरारृतिक्या: विशेषत्वं दृष्ट्वा पञ्च–मञ्चेषु एषा महा–आरार्तिकी सम्पन्ना।
संघस्य संरक्षकः पूर्व–न्यायाधीशः अजय–शर्मा अवदत् यत् नववर्षस्य प्रथम–महा–आरार्तिक्यं विशेष–रूपेण सम्पन्नीकर्तुं पञ्च–मञ्च–व्यवस्था कृता। दिव्य–महा–आरार्तिक्यं पण्डित–चन्द्रशेखर–गौड–तीर्थ–पुरोहितस्य नेतृत्वे तस्य दलद्वारा विधिवत् सम्पन्नम्। महा-आरार्तिक्ये आचार्यत्वं पण्डित–कैलाशनाथ–दाधीचस्य, उपाचार्यत्वं च पण्डित–रवि–शंकर–गौडस्य आसीत्।
अस्य कार्यक्रमस्य अवसरं दृष्ट्वा अखिल–भारतवर्षीय–ब्राह्मण–महासभायाः राष्ट्रीय–अध्यक्षेन सहितं सम्पूर्णा राष्ट्रीय–कार्यकारिणी अपि उपस्थिता आसीत्। सन्त–सान्निध्ये यज्ञ–सम्राट् महामण्डलेश्वरः प्रखर–जी–महाराजः अपि आयोजने सहभागी अभवत्। अस्मिन्नेव अवसरे बागेश्वर–धाम–हनुमन्त–कथा–कार्यक्रमस्य पत्रकरस्य विमोचनम् अपि कृतम्।
पण्डित–कैलाशनाथ–दाधीचः अवदत् यत् पञ्चाङ्ग–ज्योतिष–गणनानुसारं २०२६ तमे वर्षे प्रथमं पूर्णिमा–पर्व माघ–मासस्य पुण्य–स्नानं क्रमेण प्रारभ्यते। यद्यपि एषा पूर्णिमा मलमासे अस्ति, तथापि धर्मशास्त्रेषु माघ–मासः सर्वश्रेष्ठः इति प्रतिपादितः। अस्मिन् दिने तीर्थेषु नदीषु तथा ब्रह्म–सरोवरे ब्रह्मणः नगर्यां स्नान–दान–पुण्य–हवन–पूजनादीनां कर्मणां कोटिगुणं फलम् उक्तम्।
माघ–मासस्य पूर्णिमा–दिने स्वयं नारायणः लक्ष्मी–देव्या सह तीर्थे ब्रह्म–सरोवरे निवसति इति मान्यता अस्ति, अतः अस्यां तिथौ हवन–पूजनस्य विशेषं महत्त्वं वर्तते। वेद–शास्त्रानुसारं येषां जन्मकुण्डल्यां चन्द्रः अशुभ–स्थाने वा अशुभ–ग्रह–संयुक्तः अस्ति, तेषां कृते पूर्णिमा–दिने भगवत: शङ्करस्य उपासना कर्तव्या, येन चन्द्र–दोष–निवारणं भवेत्।
हिन्दुस्थान समाचार / अंशु गुप्ता