जगदलपुरम्, ०४ जनवरीमासः (हि.स.)। बस्तर–जनपदस्य मुख्यालये स्थितस्य नगर–निगम–क्षेत्रान्तर्गतं विजय–वार्ड-इत्यत्र अद्य रविवासरे एकं महत्त्वपूर्णं सामाजिकं धार्मिकं च कार्यक्रमं आयोजितम्, यस्मिन् ईसाई–समाजात् सम्बन्धिताः एकादश जनाः स्वं मूलं हिन्दू–धर्मं प्रत्यावर्तितवन्तः। एषा गृह–प्रत्यावर्तन–क्रिया अविनाश–सिंह–गौतमस्य मार्गदर्शनेन तथा ढालेश्वर–नागस्य नेतृत्वेन सम्पन्ना। अस्मिन् कार्यक्रमे अविनाश–सिंह–गौतमेन तथा विश्व–हिन्दू–परिषदः नगर–अध्यक्षेन प्रतीक–सिंहेन पाद–प्रक्षालनं कृत्वा भगवा-अंगप्रोक्षणेन तथा श्रीमद्भगवद्गीता उपहार–रूपेण दत्त्वा तेषां मूल–धर्मे पुनः प्रवेशः कारितः।

अविनाश–सिंह–गौतमः अवदत् यत् विजय–वार्ड-इत्यस्य ढालेश्वर–नागस्य तथा तस्य युवा–सहयोगिनाम् अथक–प्रयासेन लच्छिन–बघेलः, सोमेश–बघेलः, मंगल–दाई–बघेलः, फूल–बघेलः, आशीष–बघेलः, असीमा–बघेलः, विलेशी–बघेलः, सुप्रिया–बघेलः, गोमती–बघेलः, भगवती–बघेलः तथा पार्वती–बघेलः—एतेषाम् एकादश–जनानां परिवाराः द्वाविंशति–वर्षानन्तरं स्वं मूल–धर्मं प्रत्यागतवन्तः। तैः अपि उक्तं यत् “द्वाविंशति–वर्षानन्तरं श्रीरामेण आहूताः स्मः, अतः आगमनम् अवश्यं कर्तव्यम्।”

अस्मिन् अवसरे धार्मिकं वातावरणं अत्यन्तं श्रद्धामयम् आसीत्। कार्यक्रमस्य मध्ये भगिनी सङ्गीता–साहू–महाभागया तथा तस्याः भजन–मण्डल्या सुन्दरकाण्ड–पाठस्य आयोजनं कृतम्, यस्मिन् बहवः श्रद्धालवः सहभागं कृतवन्तः। ततः पश्चात् उपस्थितजनानां कृते राम–भोजस्य आयोजनम् अपि कृतम्।

गृहं प्रत्यावर्तितवतां सर्वेषां परिवाराणां परम्परागत–रीतिभि: सह सर्वै: सम्यक् स्वागतं विहितम्, तथा हिन्दू–संस्कृतेः, परम्पराणां मूल्यानां च पुनः सम्बन्धनस्य संकल्पः अपि तै: गृहीतः। वक्तारः अवदन् यत् हिन्दू–धर्मः सनातनः, सहिष्णुः, सर्वान् आलिङ्गितुं समर्थश्च धर्मः अस्ति, यत्र सर्वेषां समानं स्थानं विद्यते। अस्मात् आयोजनेन विजय–वार्ड–क्षेत्रे सामाजिक–समरसतायाः सांस्कृतिक–एकतायाश्च सन्देशः प्रसारितः। स्थानीय–नागरिकैः एष: प्रयत्न: समाज–संयोजकं महत्त्वपूर्णं च पादं इति प्रशंसितम्।

अस्मिन् अवसरे अविनाश–सिंह–गौतमः, ढालेश्वर–नागः, विश्व–हिन्दू–परिषदः नगर–अध्यक्षः प्रतीक–सिंहः, अजय–सेठिया, कन्हैया–सोना, अरुण–बघेलः, सोमेश–नागः, मञ्जय–जालः, मोहन–बघेलः, ब्रजेश–शर्मा, मुन्ना–बजरङ्गी, बंटू–पाण्डेयः, देवेंद्र–कश्यपः, शुभम्–गुप्तः तथा वार्ड-इत्यस्य सम्माननीयाः जनाः, बजरङ्गदलस्य एवं सक्षम–संस्थायाः कार्यकर्तारश्च उपस्थिताः आसन्।

हिन्दुस्थान समाचार / अंशु गुप्ता