त्रिची (तमिलनाडु), ०४ जनवरीमासः (हि.स.)। केन्द्रीय–गृह–सहकारिता–मन्त्री अमित–शाहः अण्डमानात् अद्यतमिलनाडु–राज्यस्य द्विदिवसीय–प्रवासाय सायङ्काले त्रिची–नगरम् आगमिष्यति। अस्मिन् एव वर्षे राज्ये विधानसभानिर्वाचनं भविष्यति; तदनुसारं राजनैतिक–उष्णता वर्धिता दृश्यते। भारतीय–जनता–दलेन (भा.ज.पा.) अद्य पुदुकोट्टै–नगरे जनसभायाः आयोजनं कृतम् अस्ति। अस्यां जनसभायां केन्द्रीयमन्त्री अमित–शाहः सम्बोधनं करिष्यति।तमिलनाडु–भा.ज.पा.–अध्यक्षस्य नयनार–नागेन्द्रन-इत्यस्य नेतृत्वे “तमिलनाडु शिरः उन्नयतु—तमिलर–यात्रा” इत्यस्य शुभारम्भः मदुरै–नगरे जातः अस्ति। अस्याः यात्रायाः समापनम् अद्य पुदुकोट्टै–नगरे भविष्यति। एतदर्थं पुदुकोट्टै–तिरुचिरापल्ली–राष्ट्रीय–राजमार्गे पल्लतिवायल–क्षेत्रे प्रायः पञ्चाशदधिक–एकर–परिमितायां निज–भूमौ स्थल–चयनं कृतम्। भूमिं समतलीकृत्य भव्यः मञ्चः निर्मितः अस्ति। अस्मिन् अवसरे केन्द्रीयमन्त्री अमित–शाहस्य भव्यं स्वागतं करिष्यते।केन्द्रीयमन्त्री अमित–शाहः तिरुचिरापल्ली–नगरम् आगत्य ततः हेलीकॉप्टर–यानद्वारा पुदुकोट्टै–नगरं गमिष्यति। सः राज्याध्यक्ष–यात्रायाः समापन–समारोहस्य अवसरे भाषणं दास्यति। अनन्तरं सः मार्गयानद्वारा पुनः त्रिची–नगरम् आगमिष्यति। अत्र आयुक्त–कार्यालय–मार्गे स्थिते एकस्मिन् उपाहारगृहे (होटले) राज्य–एककस्य नेतृभिः सह विचार–विमर्शं करिष्यति।भा.ज.पा.–नेता अमित–शाहः सोमवासरे प्रातः श्रीरङ्गम्–स्थितं रङ्गनाथ–स्वामि–मन्दिरं दर्शनार्थं गमिष्यति। ततः मन्नारपुरम्–क्षेत्रे आयोज्यमाने “मोदी–पोंगल–उत्सवे” सहभागं करिष्यति। अपराह्णे १:२० वादने कारयानद्वारा त्रिची–विमानपत्तनं प्राप्य नव–दिल्लीं प्रति प्रस्थानं करिष्यति।

हिन्दुस्थान समाचार / अंशु गुप्ता