कानपुरम्, ०४ जनवरीमासः (हि.स.)। छत्रपति शाहू जी महाराज विश्वविद्यालयस्य ललित-कला-संस्थानस्य विद्यार्थिभिः मोतीझील-परिसरे आयोजिते कानपुर-मण्डलीय-सरस-मेलापके स्वस्य सृजनात्मक-प्रतिभायाः प्रभावशालीः प्रदर्शनः कृतः। तेषां कलाप्रस्तुत्या कला-रसिकाणां विशेषं ध्यानम् आकर्षितम्।

मेलापकावसरे ललित-कला-संस्थानस्य विद्यार्थिभिः सजीव-रेखांकन-कार्यक्रमः आयोजितः, यस्मिन् विद्यार्थिभिः पेंसिल्-चारकोल्-आधारेण सजीव-चित्राणि निर्मितानि। अस्यां प्रस्तुत्यां दर्शकाः कला-सृजनस्य प्रत्यक्ष-प्रक्रियया परिचिताः अभवन्। विद्यार्थिनां एषा जीवन्त-कलाप्रस्तुतिः मेले विशेषं आकर्षणं जात्वा सर्वत्र प्रशंसाम् अलभत।

ललित-कला-संस्थानस्य निदेशकः डॉ. मिठाईलालः रविवासरे अवदत् यत् एतादृशाः कार्यक्रमाः विद्यार्थिनां आत्मबलं, आत्मविश्वासं तथा व्यावहारिक-कौशलं च वर्धयन्ति। सः अवदत् यत् मुक्त-वातावरणे कला-सृजनात् विद्यार्थिनां सर्वाङ्गीणः विकासः भवति तथा समाजेन सह प्रत्यक्ष-संवादस्य अवसरः अपि प्राप्यते।

अयं कार्यक्रमः ललित-कला-संस्थानस्य डॉ. राजकुमार-सिंहस्य तथा जूतिबली-यादवस्य निर्देशनॆन आयोजितः, यस्मिन् संस्थानस्य द्वादशाधिकाः विद्यार्थी सक्रियतया सहभागी अभवन्। विद्यार्थिभिः मेले स्वचित्राणां प्रदर्शनी अपि स्थापिताः, यत्र सामाजिक-जीवनस्य, संस्कृतेः तथा मानवीय-संवेदनानां रम्या अभिव्यक्तिः दृश्यते स्म।

कार्यक्रमस्य अवसरे विद्यार्थिभिः मुख्यातिथेः चित्रं निर्माय तस्मै समर्पितम्, यस्य सर्वैः मुक्तकण्ठेन प्रशंसा कृता।

हिन्दुस्थान समाचार