मुरादाबादम्, ०४ जनवरीमासः (हि.स.)। श्रीगुरुगोविन्दसिंहस्य प्रकाशोत्सवस्य पावनावसरे रविवासरे मुरादाबाद-नगरे सिख-समाजस्य पक्षतः भव्यं नगरकीर्तनं आयोजितम्। वाद्य-ध्वनि-निनादैः सह निर्गता शोभायात्रा जनानां मनांसि आकर्षितवती। गतका-दलस्य अद्भुतैः कौशल-प्रदर्शनैः जनाः विस्मयमग्नाः अभवन्। तीव्रशीतलहरेऽपि श्रद्धालूनाम् उत्साहः विशेषरूपेण दृष्टिगोचरः आसीत्।

नगरकीर्तनस्य आरम्भः श्रीगुरु सिंहसभा-गुरुद्वारात् (गुरु गोविन्दसिंह चौक, ताड़ीखाना) अभवत्। शोभायात्रायाः अग्रभागे पञ्चप्यारे विराजमानाः आसन्। तदनन्तरं वाद्यवृन्दं तथा गतका-दलम् अनुवर्तमाने आस्ताम्। यात्रा कोर्ट्-मार्गेण गञ्ज-बाजारं, टाउनहॉल्, बुध-बाजारं, स्टेशन-रोड्-चौराहं च अतिक्रम्य कपूर-कम्पनी मार्गेण हैलेट्-रोड् पर्यन्तं गता। अन्ते पुनः श्रीगुरु सिंहसभा-गुरुद्वारे यात्रायाः समापनम् अभवत्, यत्र गुरुलङ्गरस्य आयोजनं कृतम्।

शोभायात्रायां श्रीगुरुग्रन्थसाहिबस्य पालकी पुष्पैः सम्यक् अलङ्कृता आसीत्। पालक्याः अग्रे श्रद्धालवः पुष्पवृष्टिं कुर्वन्तः झाडू-सेवां च आचरन्तः अग्रसरन्ति स्म। पालक्याः पृष्ठतः स्त्री-सत्सङ्ग-जत्थेन गुरुवाणी-कीर्तनं सततम् अनुष्ठीयते स्म। बालकाः गतका-दलेन सह तलवार-युद्धं धनुर्बाण-प्रदर्शनं च कुर्वन्तः अद्भुतानि कौशलानि दर्शयन्ति स्म, येषां दर्शनं सर्वेषां मनांसि मोहितवान्।

श्रीगुरुगोविन्दसिंहस्य चित्रैः सह बालकानां विविधाः झांक्यः विशेषाकर्षणस्य केन्द्रं अभवन्। देशभक्तेः प्रदर्शनाय एकस्यां झांकीायां बालकाः सैनिक-वेषधारिणः दृश्यन्ते स्म। यात्रायाः मार्गे मार्गे नागरिकैः पुष्पवृष्ट्या शोभायात्रायाः हार्दिकं स्वागतं कृतम्।

हिन्दुस्थान समाचार