नवदिल्ली, 04 जनवरीमासः (हि.स.)।

प्रधानमन्त्रिणा नरेन्द्र मोदिना रविवासरे उक्तं यत् वालिबालस्य क्रीडा समतोलस्य संयोगस्य च संकल्पशक्तेः परीक्षा भवति। क्रीडकानां मूलमन्त्रं टीम् फर्स्ट इति भवति, यत्र विभिन्नकौशलसमन्विताः अपि सर्वे क्रीडकाः संघस्य विजयार्थं कर्म कुर्वन्ति। सः वालिबालक्रीडायाः राष्ट्रस्य च प्रगतौ समानताः दर्शयन् अवोचत् यत् कस्यापि विजयः एकाकिनः न भवति, सा समन्वयविश्वाससमर्पणटीम्तत्परता इत्येषां आधारिता भवति। देशोऽपि अस्यैव संघभावनया उत्तरदायित्वेन च अग्रे सरति।

प्रधानमन्त्रिणा एतानि वचनानि वाराणस्यां द्वितियसप्ततितमे राष्ट्रियवालिबालप्रतियोगितायाः उद्घाटनसमये विडियोसम्मिलनद्वारा उक्तानि। अस्मिन् अवसरि उत्तरप्रदेशस्य मुख्यमन्त्री योगी आदित्यनाथोऽपि उपस्थितः आसीत्। अस्मिन् स्पर्धायां अष्टाविंशतिसु राज्येषु संस्थासु च प्रतिनिधित्वं कुर्वन्त्यः अष्टचत्वारिंशत् टीमाः सहस्राधिकाः क्रीडकाः च भागं गृह्णन्ति। एषा प्रतियोगिता जनवरीमासस्य चतुर्थदिनात् एकादशदिनपर्यन्तं वाराणस्यां स्थिते डाक्टर सम्पूर्णानन्द क्रीडाङ्गणे सम्पन्ना भविष्यति, यस्य निर्माणं अधुनातनसमये समाप्तम्।

प्रधानमन्त्री अवदत् यत् काश्यां वालिबालच्याम्पियनशृंखलायाः शुभारम्भः एकभारतश्रेष्ठभारत इति रम्यां प्रतिमां दर्शयति। सः बनारसीशैल्याम् उक्तवान् यत् यदि बनारसम् अवबोधितुम् इच्छसि तर्हि बनारसम् एव आगन्तव्यम्। वाराणसी क्रीडाप्रेमिणां नगरम् अस्ति, यत्र मल्लयुद्धम् मुक्केबाजि नौकायानं कबड्डी इत्यादयः क्रीडाः लोकप्रियाः सन्ति, च बनारसेः बहवः राष्ट्रियक्रीडकाः उत्पन्नाः सन्ति। काशिहिन्दुविश्वविद्यालयस्य यूपी कालेजस्य काशिविद्यापीठस्य च क्रीडापरम्परां निर्दिश्य अवदत् यत् काशी सहस्रवर्षाणि विज्ञानकला इत्येषां साधनां सत्कारयति।

अवदत् च यत् राष्ट्रियवालिबालच्याम्पियनशृंखलायाः कालखण्डे वाराणस्याः उत्साहः चर्मोत्कर्षे भविष्यति, क्रीडकाः च काश्याः आतिथ्यपरम्परां अनुभोत्स्यन्ति।

प्रधानमन्त्री अवदत् यत् वर्षे 2014 अनन्तरं क्रीडासु सरकारस्य समाजस्य च दृष्टिकोणः परिवृत्तः। पूर्वं क्रीडासु उदासीनभावात् क्रीडकानां भविष्यं अनिश्चितमभवत्, किन्तु गतदशवर्षेषु क्रीडाक्षेत्रं प्राधान्येन दृष्टम्। सर्वकारेण क्रीडायाः बड्जेट् अत्यधिकं वर्धितम्, अद्य भारतस्य क्रीडामोडेल् एथलीट् केन्द्रीकृतं जातम्, यत्र प्रतिभापरिचयः वैज्ञानिकप्रशिक्षणम् पोषणम् पारदर्शीचयनप्रक्रिया च अतीव महत्त्वं लभते। टार्गेट् ओलिम्पिक् पोडियम् नाम योजना अन्याश्च योजनाः क्रीडकान् वैश्विकमञ्चे स्पर्धायै सज्जीकुर्वन्ति।

प्रधानमन्त्री अवदत् यत् भारतेन गतदशवर्षेषु विंशताधिकानि महान्तरराष्ट्रीयक्रीडास्पर्धाः सफलतया आयोजिताः, यासु फीफा अण्डर सेवेनटिन् विश्वकप्, हॉकी विश्वकप् प्रमुखाः चतुरङ्गप्रतियोगिताश्च अन्तर्भवन्ति। सः घोषयत् यत् वर्षे 2030 कॉमनवेल्थ् गेम्स भारतदेशे भविष्यति, देशः च 2036 ओलिम्पिकस्य आयोजनाय दृढप्रयत्नं करोति, येन युवा क्रीडकानां अवसराः वर्धन्ते, क्रीडापारिस्थितिकी तन्त्रं च सुदृढं भवति।

प्रधानमन्त्री अवदत् यत् यस्मिन् सिगरा क्रीडाङ्गणे एषा प्रतियोगिता प्रवर्तते तत् अधुना आधुनिकक्रीडासुविधाभिः समलंकृतम्। वाराणस्यां नवानि क्रीडाकेंद्राणि स्पोर्ट्स् काम्प्लेक्स् च निर्मियमाणानि सञ्चरन्ति, येन समीपस्थजनपदेषु वसन्तः क्रीडकाः अपि उच्चस्तरीयप्रशिक्षणस्य लाभं प्राप्नुवन्ति। एतादृशानि महान्ति क्रीडायोजनानि केवलं क्रीडकान् एव न मंचं ददति, अपि तु स्थानीयअर्थव्यवस्थां गतिं ददति, नगरस्य राष्ट्रीयप्रोफाइल् अपि सुदृढीभवति।

प्रधानमन्त्री क्रीडकान् प्रोत्साहयन् अवदत् यत् वाराणस्याः भूमेः निष्पन्नः प्रत्येकः स्पाइक् प्रत्येकः ब्लॉक् प्रत्येकः अङ्कः भारतस्य क्रीडास्वप्नानि नूतनतां दास्यति। सर्वैः प्रतिभागिभिः बाबा विश्वनाथस्य दर्शनं गङ्गायां नौकायानं वाराणस्याः विरासत्स्वरूपस्य आत्मसात्करणं च कर्तव्यमिति आह।

उल्लेखनीयम् यत् द्वितियसप्ततितमायाः राष्ट्रियवालिबालस्पर्धायाः वाराणसीमेजबानी क्रीडाबुनियादीसंरचनायाः सुदृढीकरणे एथलेटिकविकासस्य प्रोत्साहने च महत्त्वपूर्णं पादं स्थापयति। एषा योजना नगरं प्रमुखं राष्ट्रियक्रीडाकेंद्रं कर्तुं प्रक्रियां शीघ्रीकरोति। अस्यां प्रतियोगितायां अष्टचत्वारिंशद्भ्यः टीमभ्यः सहस्राधिकक्रीडकानां भागीदारी भारतीयवालिबाले स्पर्धाभावं क्रीडास्पृहां नूतनप्रतिभाः च भव्यरूपेण प्रदर्शयिष्यति।

---------------

हिन्दुस्थान समाचार