शिवपुरीः, ०४ जनवरीमासः (हि.स.)।मध्यप्रदेशस्य शिवपुरी–जनपदे राष्ट्रीय–स्वयंसेवक–संघस्य शतवर्ष–पूर्णतायाः उपलक्ष्ये विविधाः कार्यक्रमाः आयोज्यन्ते। अस्यैव क्रमस्य अन्तर्गतं जनपदे विराट–हिन्दू–सम्मेलनानाम् आयोजनम् अपि क्रियते। रविवासरे जनपदे विभिन्न–स्थानेषु हिन्दू–सम्मेलनानि सम्पन्नानि।

रविवासरे शिवपुरी–नगरे झांसी–मार्गस्थिते राधा–कृष्ण–मन्दिरे तारकेश्वरी–काली–माई–बस्त्यां च भव्यं हिन्दू–सम्मेलनम् आयोजितम्। अस्मिन् सम्मेलने हिन्दू–भ्रातृ–भगिनीनां बहुसंख्यया गरिमामयी उपस्थिति आसीत्।

कार्यक्रमे विशेषरूपेण महामण्डलेश्वरः नीलमणि–दास–महाराजः, योगिता–झोंपे (विभाग–संयोजिका, मातृशक्ति–विश्व–हिन्दू–परिषद्) तथा राजेश–गोयलः (जिला–संघ–चालकः, राष्ट्रीय–स्वयंसेवक–संघः) इत्येतेषां प्रेरणादायकं मार्गदर्शनं प्राप्तम्। सम्मेलने हिन्दू–समाजस्य एकता, सांस्कृतिक–चेतना तथा राष्ट्रहित–सम्बद्धेषु विषयेषु सार्थकः विचार–विमर्शः अभवत्, येन उपस्थित–जनसमुदाये नूतना ऊर्जा जागरूकता च संचारिता।

एतदतिरिक्तं जनपदस्य बदरवास–खण्डस्य पिरोंठ–मण्डले आयोजिते विराट–हिन्दू–सम्मेलने अखिल–भारतीय–विद्यार्थी–परिषदः विभाग–संघटन–मन्त्री देशराजः विषय–प्रस्तावनां कृतवान्। सम्मेलनं हिन्दू–समाजस्य उत्साहेन परिपूर्णम् आसीत्, ग्रामवासिनः पञ्च–परिवर्तन–विषयान् आत्मसात् कर्तुं संकल्पं कृतवन्तः।

तथैव रविवासरे बैराड़–खण्डस्य ककरौआ–गोवर्धन–मण्डलेषु अपि हिन्दू–सम्मेलनानाम् आयोजनं कृतम्। अत्र मुख्य–वक्तारूपेण विश्व–हिन्दू–परिषदः शिवपुरी–विभागस्य विभाग–संघटन–मन्त्री राजेन्द्रः (राजा) सिसोदिया तथा क्षेत्रीय–सन्तजनाः मार्गदर्शनं कृतवन्तः।

एतेषु सर्वेषु हिन्दू–सम्मेलनेषु मुख्य–वक्तृभिः हिन्दू–एकतायाः विषये विशेषं बलं दत्तम्। समाजस्य सामूहिक–शक्तेः प्रकटीकरणे अपि विशेषतया बलं न्यधीयत। वक्तृभिः सामाजिक–एकता, राष्ट्रहितं तथा सांस्कृतिक–संरक्षणम् इत्यादिषु विषयेषु स्व–विचाराः प्रस्तुताः। सम्मेलन–काले धार्मिक–सामाजिक–सांस्कृतिक–विषयेषु चर्चा कृता, येन उपस्थितेषु जनसामान्येषु जागरूकता–भावः दृष्टिगोचरः अभवत्।

आयोजन–स्थलानि भगवा–ध्वजैः फलकैश्च अलङ्कृतानि आसन्, येन सम्पूर्णे क्षेत्रे उत्सवमयं वातावरणं निर्मितम्।

हिन्दुस्थान समाचार / अंशु गुप्ता