रायपुरम्, ०५ जनवरीमासः (हि.स.)।छत्तीसगढ़स्य मुख्यमन्त्री विष्णुदेवः सायः सामाजिक-चेतनायाः जनसेवायाश्च सशक्त-प्रतीकायाः पद्मश्री-राजमोहिनीदेव्याः षष्ठे जनवरी-दिने पुण्यतिथ्यवसरे तां श्रद्धापूर्वकं नतिम् अकरोत्।

मुख्यमन्त्री सायः अवदत् यत् आदिवासी-समाजात् उद्भूय सामाजिक-कुरीतीनां तथा अन्धविश्वासस्य विरुद्धं आजीवनं संघर्षं कृत्वा स्वर्गीय-राजमोहिनीदेव्याः जीवनं सामाजिक-परिवर्तनस्य प्रेरणादायिनी कथा अस्ति।

तेन उक्तं यत् राजमोहिनीदेव्या विशेषतः आदिवासी-महिलानां अधिकाराणां, स्वाभिमानस्य स्वावलम्बनस्य च संरक्षणाय उल्लेखनीयम् कार्यं कृतम्। नशाखोरीं, कुप्रथाः शोषणं च विरुद्धं जनजागरणं तस्याः जीवन-ध्येयं आसीत्, येन समाज-जागरणे महत्त्वपूर्णं योगदानं दत्तम्।

मुख्यमन्त्री सायः अवदत् यत् स्वर्गीय-राजमोहिनीदेव्याः निःस्वार्था सेवा, अदम्यं साहसं लोकहिते प्रति च समर्पणं आगामि-पीढीनां सामाजिक-न्यायस्य, समानतायाः मानवीय-गरिमायाश्च संवर्धनाय सततं प्रेरणां दास्यति। तस्याः जीवनं कृतित्वं च सदैव समाजस्य पथप्रदर्शकं भविष्यति।

हिन्दुस्थान समाचार