Enter your Email Address to subscribe to our newsletters
रायपुरम्, 05 जनवरीमासः (हि.स.)।
सोमवारे माता शाकम्बर्याः जयंती-उपलक्ष्ये रायपुर-नगरे घडिचौक-स्थले आयोजिते जयन्ती-समारोहे उपमुख्यमंत्री विजयशर्मा उपस्थिताः आसन्। तस्मिन् अवसरि ते माता शाकम्बर्याः विधिवत् पूजाऽर्चनां कृत्वा प्रदेशस्य सुख-समृद्धि-शान्ति-खुशहाल्याः कामनां च अकुर्वन्, तथा पटेल-समाजस्य जनप्रतिनिधिभिः सह मिलित्वा जनानां प्रति शाकशाकादीनाम् नि:शुल्क-वितरणम् अपि अकुर्वन्।
उपमुख्यमंत्री शर्मा समाजजनान् संबोध्य अवदत् यत् मरार-पटेल-समाजः उद्यमी, संगठित तथा सुव्यवस्थितः समाजः अस्ति। स्वस्य श्रमेण उद्यमेन च ते विशिष्टां ख्यातिं निर्मितवन्तः। अस्य समाजस्य श्रमस्य फलरूपेण बाड़ी-उत्पादनात् आरभ्य देशस्य महत्सु विपणिषु यावत् तेषां उत्पादानां प्रेषणं कृत्वा यथोचितं प्रतिफलम् प्राप्तुं तदा-कालीन-मुख्यमन्त्रिणा डॉ रमनसिंहेन शाकम्बरी-बोर्ड-नामकस्य गठनं कृतम्। तस्य अतीव उत्तमं परिणामं वयम् अलभामहि।
ते अवदन् यत् मरार-पटेल-समाजे सहकारिताया भावः प्रत्येकस्मिन् व्यक्तौ विद्यते। जनस्य मनसि स्वभावतः एव स्थितेन अस्य सहकारिताभावेन सह अग्रे गन्तव्यम्, समाजस्य प्रदेशस्य च विकासाय कार्यं कर्तव्यम्।
उपमुख्यमंत्री शर्मा मातरं शाकम्बरीम् उद्दिश्य प्रार्थितवन्तः—मातुः कृपया सर्वेषां गृहेषु धन-धान्यवर्षा भूयात्, क्षेत्र-खलिहानानि सदा लहलहतु, सर्वे नागरिकाः स्वस्थाः सुखिनश्च सन्तु, राज्यं च निरन्तरं प्रगतिपथे अग्रसरं भवतु। ते उक्तवन्तः यत् राज्य-सरकारा समाजस्य सर्वैः वर्गैः सह मिलित्वा ग्राम-गरीब-कृषक-श्रमिकानां उत्कर्षाय सततम् प्रयासं करोति।
अस्मिन् अवसरे राज्य- मरार-पटेल-समाजस्य अध्यक्षः शंकर-पटेल, रामकुमार-पटेलः, अशोक-पटेलः, परदेशी-पटेल, केके पाटिलः, ब्रह्मदेव-पटेल, राजेन्द्र-पटेलः, मोतीराम-पटेल, प्रमोद-पटेलः, बाकीराम-पटेल, ईश्वर-पटेलः इत्येते अन्ये च जनप्रतिनिधयः समाजस्य सदस्याश्च उपस्थिताः आसन्।
---------------
हिन्दुस्थान समाचार