Enter your Email Address to subscribe to our newsletters
वाराणसी, ०५ जनवरीमासः (हि.स.)।'द बनारस बार एसोसिएशन'इत्यस्य वार्षिक–निर्वाचनस्य अध्यक्ष–पदे अरविन्द–कुमार–रायः जितप्रायं मतदानम् अन्ते पराजितः अभवत्। अन्तिम–चक्रस्य मतगणनानन्तरं विनोद–कुमार–शुक्लः अरविन्दं अष्ट–मत–अन्तरेण पराजितवान्। रात्रौ दीर्घकालं यावद् सम्पन्नायां मतगणनायाम् आश्चर्यजनकं परिणामं प्राप्तम्।
मतगणनायां आरम्भात: एव अग्रतां धारयन् अरविन्द–कुमार–रायः अन्तिमे चक्रे पृष्ठे अभवत्। तस्मै ११३८ मतानि लब्धानि। अपरपक्षे द बनारस बार एसोसिएशन-इत्यस्य अध्यक्षत्वे निर्वाचिताय विनोद–कुमार–शुक्लाय ११४६ मतानि लब्धानि। विजयस्य समीपं स्पृष्ट्वा अपि अरविन्द–कुमार–रायः पराजयं प्राप्तवान्।
वर्ष २०२६–२७ इत्यस्य वरिष्ठ–समितेः अध्यक्षः (चेयरमैन) अधिवक्ता अमरनाथ–शर्मा अवदत् यत् द बनारस बार एसोसिएशन-इत्यस्य वार्षिक–निर्वाचनस्य अध्यक्ष–पदे विनोद–कुमार–शुक्लः विजयम् अलभत। वरिष्ठ–उपाध्यक्ष–पदे १४९६ मतैः शशांक–शेखर–त्रिपाठी, तथा महामन्त्री–पदे १११९ मतैः सुधांशु–मिश्रः अपि विजयी अभवन्।
एल्डर्स–कमेटी–अध्यक्षः राधे–लाल–श्रीवास्तवः द सेंट्रल बार एसोसिएशन-इत्यस्य निर्वाचन–परिणामान् अवदत्। तेन उक्तं यत् वर्ष २०२६ इत्यस्य सेंट्रल बार एसोसिएशन-इत्यस्य वार्षिक–निर्वाचनस्य परिणामेषु अध्यक्ष–पदे प्रेम–प्रकाश–सिंह–गौतमः, महामन्त्री–पदे च आशीष–सिंहः विजयी अभवन्। वरिष्ठ–उपाध्यक्ष–पदे निपेन्द्र–प्रताप–सिंह–नन्हे, कनिष्ठ–उपाध्यक्ष–पदे जितेन्द्र–कुमार–यादव–गुड्डू, कोषाध्यक्ष–पदे सुशील–कुमार–मौर्यः, संयुक्त–मन्त्री (प्रशासन)–पदे सीता, संयुक्त–मन्त्री (प्रकाशन एवं पुस्तकालय)–पदे मनोज–कुमार–शुक्लः, तथा आय–व्यय–निरीक्षक–पदे आनन्द–प्रकाश–उपाध्यायः निर्वाचिताः अभवन्।
हिन्दुस्थान समाचार / ANSHU GUPTA