Enter your Email Address to subscribe to our newsletters
भोपालम्, ०६ जनवरीमासः (हि.स.)। मध्यप्रदेशे राज्य–सर्वकारेण महत्त्वपूर्णं डिजिटल–प्रयत्नं कृत्वा अद्य मङ्गलवासरे आयोज्यमानायां मन्त्रि–परिषदः सभायां सर्वेभ्यः मन्त्रिभ्यः तथा भारसाधक–सचिवेभ्यश्च टैबलेट्–यन्त्राणि प्रदास्यन्ते। अस्यां सभायां मन्त्रि–परिषदः सदस्येभ्यः तथा भारसाधक–सचिवेभ्यश्च ई–कैबिनेट–अनुप्रयोगस्य विषये प्रस्तुतीकरणं प्रशिक्षणं च प्रदास्यते, येन डिजिटल–प्रणाल्याः प्रभावी उपयोगः सुनिश्चितः भवेत्।
प्रारम्भिक–चरणे केषाञ्चन मन्त्रि–परिषदः सभानां विषय: भौतिक–रूपेण तथा डिजिटल–रूपेण च उपलब्धं करिष्यते। ततः परं सः पूर्णतः डिजिटल–रूपेण एव प्रेषयिष्यते। ई–कैबिनेट्–अनुप्रयोगः आधुनिक–प्रौद्योगिकी–आधारितं, कर्गद–रहितं, सुरक्षितं गोपनीयं च तन्त्रम् अस्ति, येन मन्त्रिण: कदापि कुत्रापि स्व–सौविध्यानुसारं मन्त्रि–परिषदः कार्यसूचीं द्रष्टुं शक्नुवन्ति।
ई–कैबिनेट्–अनुप्रयोगस्य आरम्भेण भौतिक–रूपेण क्रियमाणस्य फोल्डर–वितरणस्य, कर्गदस्य तथा समयस्य च महान् अवशेष: भविष्यति। सहैव अस्य अनुप्रयोगस्य माध्यमेन पूर्वासु सभासु गृहीतानां निर्णयानां पालन–प्रतिवेदनमपि अवलोकयितुं शक्यते। उल्लेखनीयं यत् राज्य–सर्वकारेण १९६० तमात् वर्षात् अद्यावधि सर्वे मन्त्रि–परिषदः निर्णयाः डिजिटल–रूपेण अभिलेखिताः सन्ति।
हिन्दुस्थान समाचार / Dheeraj Maithani