अत्यधिकशैत्ये सत्यपि अर्धरात्रेरुतरं बड़ागणेश मंदिरे श्रद्धालूनां पंक्तिः

वाराणसी,06 जनवरीमासः (हि.स.)।

उत्तरप्रदेशस्य धार्मिकनगरी वाराणसौ (काश्यां) माघमासस्य चतुर्थ्यां (सङ्कष्टीचतुर्थ्यां) मंगलवारे लोहतियाप्रदेशस्थिते बडागणेशमन्दिरे दर्शनपूजनार्थं तीव्रेऽपि शैत्ये गलनं च सति भक्तानां सागर इव जनसमूहोऽभवत्। आङ्ग्लनववर्षस्य प्रथमे गणेशचतुर्थ्यां प्रभातकालादेव बडागणेशदरबारं सहितान्येषु गणेशमन्दिरेषु दर्शनपूजनाय व्रतीनां स्त्रीणां तेषां च सम्बन्धिनां भीर् आसीत्।

सन्तानलाभं तस्य दीर्घायुषं च कामयन्त्यः स्त्रियः गणेशचतुर्थीव्रतं कुर्वन्त्यः प्रातःस्नानानन्तरं बडागणेशमन्दिरे पङ्क्तिबद्धाः सन्तः दर्शनपूजनं कृतवत्यः। अहोरात्रं व्रतं धारयित्वा स्त्रियः रात्रौ भगवानं गणेशं विधिविधानतः पूजयित्वा चन्द्रोदयसमयेऽर्घ्यं दत्त्वा एव व्रतपारणं करिष्यन्ति। सनातनधर्मेऽयं विश्वासोऽस्ति यत् सङ्कष्टीचतुर्थीव्रतं भगवान्गणेशस्य प्रसादलाभाय शुभं भवति। अस्मिन् दिने भगवान्गणेशस्य पूजा मनुष्यजीवनं सुखशान्तिसम्पद्भिः पूरयति, सन्तानसम्बद्धा विघ्ना अपि नश्यन्ति। मातरः अपि स्वपुत्राणां कल्याणकामनया व्रतं वहन्ति।

बडागणेशमन्दिरस्य पुजारी राजेशतिवारीनाम तथा ईश्वरगङ्ग्याः कर्मकाण्डी बच्चागुरु नामौ अवदताम्—अस्यां चतुर्थीतिथौ आरम्भः प्रातः 08–01 वादनाद् अभवत्, या परदिने जनुवरीमासस्य सप्तमे दिने बुधवासरे प्रातः 06–52 वादनन्तरं समाप्ता भविष्यति। बच्चागुरु अवदत् यत् माघमासस्य चतुर्थी ‘संकटचौथ्’, ‘वक्रतुण्डीचतुर्थी’, ‘तिलकुटाचौथ्’ इति नामभिः अपि प्रसिद्धा अस्ति।

अस्य व्रतस्य कथा अपि विद्यते—एकदा भगवतो गणेशस्य माता पार्वती स्नानं कुर्वन्ती आसीत्। सा गृहद्वारे रक्षणार्थं भगवानं गणेशं स्थाप्यादिशत्—“कोऽपि अन्तः न प्रविशतु।” कतिपयक्षणानन्तरं भगवान्महादेव आगत्य अन्तः प्रविष्टुम् इच्छन्ति। तदा गणेशेन तान् निवारितम्—“कोऽपि अन्तः गन्तुं न अर्हति” इति। तस्मात् पितृपुत्रयोः विवादः अभवत्। क्रुद्धः महादेवः त्रिशूलेन भगवान्गणेशस्य शिरः शरीरात् पृथक्कृतवान्। माता पार्वती स्नानात् निष्क्रम्य पुत्रस्य छिन्नशिरसः दर्शनं कृत्वा रोदितवती। तया उक्तं यन्मम पुत्रः जीवन्नेव भवतु।” तस्याः प्रार्थनया महादेवः गणेशस्य स्थाने नवजातहस्तिशिरः स्थापयामास। तस्मात् आरभ्य भगवान् गणेशः ‘गजाननः’ इत्युच्यते। तस्मै च वरं दत्तं यत् देवानां मध्ये प्रथमं तस्यैव पूजा करणीया इति।

सनातनधर्मेऽयं विश्वासो यत् सङ्कष्टीचतुर्थ्यां भगवतो गणेशस्य पूजा कृत्वा मनोवाञ्छितफलानि लभ्यन्ते।

---------------

हिन्दुस्थान समाचार