Enter your Email Address to subscribe to our newsletters
जयपुरम्, 07 जनवरीमासः (हि.स.)।
राज्यसर्वकारस्य पक्षे जयपुरनगरे सेनादिवसस्य अवसरस्य निमित्तम् आयोजितेषु कार्यक्रमेषु जनसहभागितां सुनिश्चितुं दिग्भूमौ निरन्तरं प्रयासाः क्रियमाणाः सन्ति। तस्यै एव शृङ्खलायाम् सामान्यजनानां कृते सेनादिवसपदप्रयाणम् –२०२६ द्रष्टुम् ऑनलाइन-पञ्जीकरणस्य सुविधाऽपि उपलब्धा कृता।
सामान्यप्रशासनविभागस्य तथा जयपुरजिलाप्रशासनस्य निरन्तरः प्रयासः अस्ति यत् अधिकाधिकसंख्यायाम् सामान्यजनाः अस्मिन् राष्ट्रीयगौरवपूर्णे कार्यक्रमे सहभागित्वं कृत्वा भारतीयसेनायाः अद्भुतं अनुकरणीयं च प्रदर्शनं सान्निध्येन पश्येयुः।
जगतपुरायां (महलरोड्) जयपुरे ९, ११, १३ तथा १५ जनुवारी २०२६ इत्येषु दिनेषु आयोजितायां सेनादिवसपरेडे विषये नागरिकानां मध्ये महानुत्साहः दृश्यते। अधुना सामान्यजनाः स्वं स्वपरिवारं च सहृत्य परेडवलोकनार्थं ऑनलाइन-पञ्जीकरणं कृत्वा कार्यक्रमस्य साक्षिणो भवितुं शक्नुवन्ति।
सेनादिवसपरेडं द्रष्टुमिच्छवः नागरिकाः निर्दिष्टे जाले स्थले प्रवेश्य स्वस्य SSO ID इत्यनेन लॉगिन कर्तुं शक्नुवन्ति। लॉगिनकृत्वा Citizen App इत्यस्य अन्तर्गते G2C वर्गे उपलब्धे “Army Day Parade Registration” इति विकल्पे क्लिक्य केवलद्वौ स्तम्भौ पूरयित्वा पञ्जीकरणं साध्यते। एकः पुरुषः अधिकतम् द्वे पञ्जीकरणे कर्तुं शक्नोति, ई-मित्रकेन्द्रैः अपि पञ्जीकरणसुविधा उपलब्धा अस्ति।
पञ्जीकरणं सम्पन्नं जातं चेत् आवेदकाय SMS-द्वारा पुष्टि-सन्देशः प्राप्तो भविष्यति, यस्मिन् आवश्यक-निर्देशाः मार्गचित्रं पार्किङ्-चित्रं च उपलब्धं भविष्यति। आवेदकः स्वसुविधानुसारं कस्य दिनस्य परेडं द्रष्टुमिच्छति इति अपि चयनं कर्तुं शक्नोति। एषा पञ्जीकरणसुविधा १४ जनुवारी २०२६ पर्यन्तं उपलब्धा भविष्यति। परेडवलोकनार्थं पञ्जीकृताः नागरिकाः प्रातः ८.४५ वादनात् पूर्वं परेडस्थले आगन्तुं अनिवार्याः भविष्यन्ति तथा प्रयाणसमापनात् पूर्वं तस्मात् स्थलात् निर्गमनाय अनुमतिः न भविष्यति।
सुरक्षाकारणैः परेडस्थले ड्रोन, कैमरा, स्त्रीपर्स्, बैग्, ज्वलनशीलद्रव्याणि, पाउडर्, तीक्ष्णवस्तूनि वा कस्यअपि प्रकारस्य आपत्तिजनकसामग्री आनयने पूर्णनिषेधः भविष्यति। सेनायाः प्रतिनिधिभिः सामान्यजनान् प्रति आह्वानं कृतं यत् ते निर्धारितनियमपालनं कुर्वन्तु अनुशासनं च धारयन्तु।
अतिरिक्तरूपेण सेनादिवससप्ताहस्य अन्तर्गते ८ जनुवारी २०२६ इति दिने मुख्यमन्त्रिणा भजनलालशर्मेण भवानीनिकेतनसंस्थाने मध्याह्ने ०२ वादनात् “Know Your Army” इति कार्यक्रमस्य उद्घाटनं भविष्यति, यस्मिन् सेनानां नवीनानि सैन्योपकरणानि प्रदर्शनरूपेण जीवित-प्रदर्शनैः सह दर्शितानि भविष्यन्ति।
तथा १० तथा १५ जनुवारी २०२६ इति दिनेषु SMS स्टेडियम् जयपुरे “शौर्यसन्ध्या” नामकं आयोजनं भविष्यति, यस्मिन् सेवायां स्थितसैनिकाः, पूर्वसैनिकाः, वीरतापुरस्कारप्राप्तसैनिकाः, तेषां पारिवारिकाः, तथा सेनायाः विविधानां परीक्षाणां कृते सज्जमानाः युवा सहभागित्वं करिष्यन्ति।
सेनादिवसपरेड्–२०२६ इत्यस्य कृते विकसितं “Army Day Parade 2026” इति पोर्टल् सामान्यजनान् प्रति पारदर्शी, सुगमं सुव्यवस्थितं च प्रवेशप्रणालीं प्रदत्ते। येषां नागरिकानां SSO ID पूर्वमेवास्ति ते साक्षाल्लॉगिन कृत्वा पञ्जीकरणं कर्तुं शक्नुवन्ति, येषां तु नास्ति ते प्रथमं स्वस्य SSO ID निर्माय ततः परं पोर्टल्-द्वारा पञ्जीकरणं कृत्वा परेडवलोकनस्य अवसरं लप्स्यन्ते।
---------------
हिन्दुस्थान समाचार