गुवाहाटी, ०८ जनवरीमासः (हि.स.)।असम–राजधानी–गुवाहाटी–नगरस्य बाह्य–क्षेत्रे सोनापुर–स्थ “फेयर–रिज़ॉर्ट्”–स्थले वस्त्र–मन्त्रिणां द्विदिवसीयं राष्ट्रीय–सम्मेलनम् आरब्धम्। गुरुवासरे आकर्षक–हस्तशिल्प–वस्त्र–उद्योग–प्रदर्शनस्य प्रवेश–द्वारस्य उद्घाटनं केन्द्रीय–हस्तशिल्प–वस्त्र–मन्त्री गिरिराज–सिंह–महाभागेन कृतम्। अस्मिन् सम्मेलने देशस्य पञ्चत्रिंशत् राज्येभ्यः हस्तशिल्प–वस्त्र–उद्योग–विभागानां मन्त्रिणः सहभागं कुर्वन्ति।अतिथिरूपेण मध्यप्रदेशस्य मुख्यमन्त्री डॉ. मोहन–यादव–महाभागः, केन्द्रीय–हस्तशिल्प–वस्त्र–विभागस्य राज्य–मन्त्री पवित्र–मार्घेरिटा–महाभागः, केन्द्रीय–मन्त्री गिरिराज–सिंह–महाभागः तथा अन्ये वरिष्ठ–अधिकारिणः विभागीय–प्रतिनिधयश्च उपस्थिताः आसन्।असम–सर्वकारस्य सहयोगेन वस्त्र–मन्त्रालयस्य प्रयत्नेन अद्य आरभ्य द्विदिवसीयरूपेण आयोजिते अस्मिन् सम्मेलने देशस्य अष्टाविंशति राज्यानि तथा केन्द्र–शासित–प्रदेशाः सहभागं कृत्वा हस्तशिल्प–वस्त्र–उद्योगस्य उत्थान–विषये विचार–विमर्शं करिष्यन्ति।अस्मिन् अवसरे केन्द्रीय–राज्य–मन्त्री पवित्र–मार्घेरिटा–महाभागः अवदत् यत् अग्रिम–दिनेषु अस्य सम्मेलनस्य माध्यमेन देशस्य हस्तशिल्प–वस्त्र–उद्योगः वैश्विक–स्तरे प्रोत्साहनं प्राप्स्यति।तदनन्तरं केन्द्रीय–मन्त्री गिरिराज–सिंह–महाभागः असम–मुख्यमन्त्री डॉ.हिमन्त–बिस्व–सरमा–महाभागस्य प्रशंसां कृत्वा अवदत् यत् कांग्रेस–शासनकाले स्थापितानां बाङ्ग्लादेशीयानां निष्कासनं कृत्वा भारतीय–जनता–दलेन राज्यस्य प्रगतिः साधिता अस्ति।गिरिराज–सिंह–महाभागः पुनरपि अवदत् यत् यदि पश्चिम–बङ्गाल–राज्यस्य मुख्यमन्त्री ममता–बनर्जी–महाभागा अपि असम–मुख्यमन्त्रीवत् कार्यं कृतवती स्यात्, तर्हि पश्चिम–बङ्गालः अद्य बाङ्ग्लादेशवत् न अभविष्यत्।

हिन्दुस्थान समाचार / अंशु गुप्ता