Enter your Email Address to subscribe to our newsletters
ग्रामीण क्षेत्राणां सर्वांगीण विकासः सर्वकारस्य सर्वोच्चप्राथमिकतालखनऊ, 08 जनवरीमासः (हि.स.)। उत्तरप्रदेशस्य उपमुख्यमन्त्री केशवप्रसादमौर्यः गुरुवासरे स्वकैंपकार्यालये ग्राम्यविकासविभागस्य अधिकारिभिः सह उच्चस्तरीयां गोष्ठीं कृतवान्। उपमुख्यमन्त्रीः ग्राम्यविकासविभागस्य अधिकारिणः दिशानिर्देशान् दत्त्वा अवदत् यत् ग्रामीणप्रदेशानां सर्वाङ्गीणविकासः सरकारस्य सर्वोच्चा प्राथमिकता अस्ति। तेन निर्देशितं यत् सर्वे विकासकार्याणि समयबद्धरीत्या सम्पाद्यन्ताम् तथा च कार्यगुणवत्तायां कस्यापि प्रकारस्य सहमतिर्न क्रियताम्। योजनानां लाभः पात्रलाभार्थिनां समीपं पारदर्शकविधिना प्राप्यताम् इति तथा च कार्याणां नियमितं निरीक्षणं क्रियताम् इति अपि तेन निर्देशितम्। विकासकार्येषु कस्यापि प्रकारस्य प्रमादः शैथिल्यं वा अक्षम्यं भविष्यति इति सः अवदत्।
केशवप्रसादमौर्यः अवदत् यत् विकसितभारत जी राम जी अधिनियमः जीविकानुबंधं प्रदाय ग्रामीणप्रदेशेषु स्थायिसम्पत्तीनां निर्माणे सहायकः सिद्धः भविष्यति। अस्मिन् अधिनियमेन जीविकानुबंधश्शतदिनात् वर्धयित्वा पञ्चविंशतिअधिकं दिनशतं कृतम्। श्रमिकाणां पारिश्रमिकभुगतानस्य व्यवस्था सरलां पारदर्शकां च कृतवती अस्ति। कृषकाणां श्रमिकाभावस्य निवारणार्थं राज्येभ्यः बुआई तथा कटाईकाले षष्टिदिनपर्यन्तं कार्यविरामस्य अधिकारः प्रदत्तः अस्ति।
उपमुख्यमन्त्री अवदत् यत् प्रत्येकशुक्रवासरे प्रत्येकविकासखण्डस्य द्वयोः ग्रामपञ्चायतयोः ग्रामीणाणां समस्यासमाधानार्थं ग्रामचौपालानां आयोजनं क्रियते। निर्देशाः दत्ताः यत् एते चौपालाः सुव्यवस्थिताः सुचारुरूपेण च व्यापकस्तरे आयोजिताः स्युः, तत्र एव ग्रामे जनानां समस्याः समाधीयन्ताम् तथा च अस्मिन् अवसरॆ विकसितभारत जी राम जी अधिनियमस्य अधिकाधिकं प्रचारः कृत्वा जनानां विस्तरेण सूचना दीयताम्। सः अवदत् यत् विकसितभारत जी राम जी विषये जनजागरणस्य प्रबलावश्यकता अस्ति तथा च अस्य अधिनियमस्य महत्त्वं महत्ता च विधिवत् प्रकाश्यताम्। ग्रामचौपालेषु विकसितभारत जी राम जी विषये पम्पलेट् वितरितानि क्रियन्ताम्। ग्रामचौपालेषु समूहाणां सहभागिता अपि सुनिश्चितीक्रियताम्।
तदनन्तरं सः अपि निर्देशान् दत्तवान् यत् विभागात् निर्गच्छन्ति ये केचन पत्राणि, तेषु सर्वेषु समयबद्धा कार्यवाही अनिवार्यतया सुनिश्चितीक्रियताम्। अस्यां बैठके ग्राम्यविकासविभागस्य राज्यमन्त्री विजयलक्ष्मीगौतमापि महत्त्वपूर्णान् दिशानिर्देशान् दत्तवती। बैठके उद्यान तथा खाद्यप्रसंस्करणविभागस्य अपरमुख्यसचिवः बी एल मीणा, दीनदयालउपाध्याय राज्यग्राम्यविकाससंस्थानस्य महानिदेशकः एल वेंकटेश्वरलू, ग्राम्यविकासविभागस्य प्रमुखसचिवः सौरभबाबू, ग्राम्यविकासविभागस्य आयुक्तः गौरीशङ्करप्रियदर्शी, राज्यग्रामीणआजीविकामिशनस्य मिशननिदेशिका दीपरञ्जन सहिताः अन्ये अधिकारिणः अपि उपस्थिताः आसन्।
हिन्दुस्थान समाचार