Enter your Email Address to subscribe to our newsletters
नवदिल्ली, 08 जनवरीमासः (हि.स.)।
प्रधानमन्त्री नरेन्द्रमोदी गुरुवासरे सोमनाथस्वाभिमानपर्वारम्भे एक्स-माध्यमे श्रीसोमनाथमहादेवस्य आशीर्वादं प्रार्थयन् एकं प्राचीनं संस्कृतश्लोकं सहकृतवान्। प्रधानमन्त्री मोदीः एक्स-पोस्टे लिखितवान्,
“श्रीसोमनाथमहादेवस्य कृपया आशीर्वादेन च सर्वेषां कल्याणं भवतु।” एतेन सह सः द्वादशज्योतिर्लिङ्गस्तोत्रस्य एतं श्लोकं साझा कृतवान्: सौराष्ट्रदेशे विशदेऽतिरम्ये ज्योतिर्मयं चन्द्रकलावतंसम्।
भक्तिप्रदानाय कृपावतीर्णं तं सोमनाथं शरणं प्रपद्ये॥ अस्य श्लोकस्य अर्थः अस्ति यत् सौराष्ट्रप्रदेशे अत्यन्तरमणीये निर्मले च स्थाने स्थितं, ज्योतिर्मयं चन्द्रः यस्य मस्तके आभूषणवत् विराजते, भक्तेभ्यः भक्तिं दातुं कृपया अवतीर्णं तं श्रीसोमनाथमहादेवं अहं शरणं गच्छामि। उल्लेखनीयं यत् एषः श्लोकः सोमनाथज्योतिर्लिङ्गस्य महिमानं वर्णयति, यत् द्वादशज्योतिर्लिङ्गेषु प्रथमं मन्यते।
---------------
हिन्दुस्थान समाचार