नव दिल्ली, 08 जनवरीमासः (हि.स.)।

महिला-बालविकासमन्त्रालयेन गुरुवासरे “पङ्खुडी” इति नाम्ना एकीकृत-निगमसामाजिकदायित्व-(CSR)-एवम् सहकारिता-सुविधायाः डिजिटल-पटलस्य शुभारम्भः कृतः। अस्य उद्देश्यं महिलानां बालानां च विकाससम्बद्धासु पहलिषु समन्वयं पारदर्शितां हितधारकसहभागितां च सुदृढीकर्तुम् अस्ति।

मन्त्रालये आयोजिते कार्यक्रमे महिला-बालविकासमन्त्री अन्नपूर्णा देवी अवदत् यत् पङ्खुडी-पटलः प्रधानमन्त्री नरेन्द्र मोदी-महोदयस्य तस्मात् दृष्टिकोणात् प्रेरितः अस्ति, यत्र प्रौद्योगिकी-शासन-नागरिकाणां मध्ये सेतु-निर्माणे विशेषः बलः दत्तः। एषः पटलः पारदर्शितां सहभागितां विश्वासं च वर्धयति। तया उक्तं यत् कस्यापि योजनायाः सफलतायै जनसहभागिता अनिवार्या अस्ति। पङ्खुडी-पटलः तदेव दृष्टिं साकारयति, यः शासन-नागरिक-संस्थानानां सामाजिकविकासाय संयुक्तः डिजिटल-मञ्चः अस्ति।

तया अपि कथितं यत् पङ्खुडी-पटलः एक-वातायन-(सिंगल-विण्डो)-डिजिटल-मञ्चरूपेण विकसितः अस्ति, यः व्यक्तीन् प्रवासीभारतीयान् गैर-सरकारी-संस्थाः CSR-योगदानकर्तॄन् निगमसंस्थानानि तथा महिला-बालविकासक्षेत्रे कार्यरताः शासकीय-संस्थाः एकत्र संयोजयति।

अन्नपूर्णा देवी अवदत् यत् अस्य पटलस्य माध्यमेन जनाः पोषणे स्वास्थ्ये प्रारम्भिकबाल्यावस्थासंरक्षण-शिक्षायां बालकल्याणे संरक्षण-पुनर्वासयोः महिलानां सुरक्षा-सशक्तीकरणयोः च प्रमुखेषु विषयेषु स्वैच्छिकं संस्थागतं च योगदानं कर्तुं शक्नुवन्ति। एषः पटलः CSR-स्वैच्छिक-योगदानाय एकं साझा-डिजिटल-इण्टरफेस् प्रदाय हितधारकाणां मध्ये उत्तमं अभिसरणं समन्वयं च सुनिश्चितं करोति। अनेन महिलानां बालानां च कल्याण-सशक्तीकरणसम्बद्धानां योजनानां कार्यान्वयने निगराण्यां उत्तरदायित्वे च सुधारः भवति। अस्मिन् अवसरॆ राज्यमन्त्री सावित्री ठाकुरः मन्त्रालयस्य सचिवः अनिल मलिकश्च उपस्थितौ आस्ताम्।

पङ्खुडी-पटलः किम्

मन्त्रालयस्य प्रमुखमिशनानां— मिशन सक्षम-आङ्गनवाडी-पोषण-२.०, मिशन वात्सल्य, मिशन शक्ति— प्रभावी-कार्यान्वयनाय एषा पारदर्शी-डिजिटल-व्यवस्था अस्ति। अस्य पटलस्य माध्यमेन योगदानकर्तारः पञ्जीकरणं कृत्वा पहलयः चिन्वन्ति, प्रस्तावान् समर्पयन्ति तथा स्पष्ट-स्वीकृतिप्रक्रियाभिः स्वयोगदानस्य स्थितिं अनुवर्तयितुं शक्नुवन्ति।

पारदर्शिता-उत्तरदायित्व-अनुसरणीयतां (ट्रेसबिलिटी) सुनिश्चितीकर्तुं पटलमार्गे सर्वाणि योगदानानि केवलं गैर-नगद-माध्यमैः स्वीकृतानि भवन्ति। एषः मञ्चः केन्द्रीय-राज्य-शासनविभागानां कार्यान्वयन-संस्थानां नागरिक-समाज-संस्थाः सार्वजनिक-निजी-क्षेत्र-हितधारकाणां मध्ये सहयोगं प्रवर्धयति।

अनेन देशव्यापि चतुर्दशलक्षाधिकेषु आङ्गनवाडी-केन्द्रेषु पञ्चसहस्राधिकेषु बाल-देखभाल-संस्थासु प्रायः अष्टशतानि वन-स्टॉप-केन्द्राणि पञ्चशतानि शक्तिनिवासानि चतुर्शतान्यधिकानि शक्तिसदनानि च अधोसंरचना-सेवासु सुधारं प्राप्स्यन्ति, येन कोट्यधिकानां नागरिकानां जीवनस्तरः उन्नतिं गमिष्यति।

-----------

हिन्दुस्थान समाचार