Enter your Email Address to subscribe to our newsletters
नवदिल्ली, 09 जनवरीमासः (हि.स.)।
दिल्ली विधानसभायाः शीतकालीनसत्रस्य पञ्चमे तथा अन्तिमे दिने शुक्रवारे अपि सदस्यमध्ये कोलाहलः दृष्टः। तस्य परिणामस्वरूपम् आम आदमी पार्टी इति दलस्य चत्वारः विधायकाः शीतकालीनसत्रस्य अवशिष्टदिवसार्थं निलम्बिताः अभवन्। अस्मिन् शीतकालीनसत्रे एषा द्वितीया वार्ता यदा ते चत्वारः सदस्याः निलम्बिताः कृताः।
दिल्ली विधानसभाध्यक्षः विजेन्द्रगुप्तः अवदत् यत् सदनस्य कार्यवाहीं प्रति निरन्तरं बाधां जनयित्वा सदनस्य मर्यादायाः उल्लङ्घनं कृतवन्तः इति कारणेन विपक्षनेता सोमदत्तः जरनैलसिंहः संजीवझा च कुलदीपकुमारः च शेषसत्राय सदनात् निलम्बिताः क्रियन्ते। एषः निर्णयः सदनस्य गरिमायाः अनुशासनस्य च अधिकाराणां च संरक्षणार्थं तथा विधानसभायाः प्रक्रिया कार्यसञ्चालननियमावल्याः प्रावधानानुसारं गृहीतः।
उल्लेखनीयं यत् दिल्ली विधानसभायाः शीतकालीनसत्रं पञ्चमे दिने जनवरीमासे सोमवासरे उपराज्यपालस्य वीके सक्सेनस्य अभिभाषणेन आरब्धम् आसीत्। तस्मिन् काले आआपा दलस्य चत्वारः सदस्याः कोलाहलं कृत्वा त्रिदिनपर्यन्तं निलम्बिताः अभवन् येषां नामानि संजीवझा सोमदत्तः कुलदीपकुमारः जरनैलसिंहः च आसन्। एते सदस्याः उपराज्यपालस्य अभिभाषणकाले दिल्ली नगरे वर्धमानं वायुप्रदूषणं विषयीकृत्य कोलाहलं कुर्वन्तः आसन्।
---------
हिन्दुस्थान समाचार