Enter your Email Address to subscribe to our newsletters
नवदिल्ली, 09 जनवरीमासः (हि.स.)।
विदेशराज्यमन्त्री कीर्तिवर्धनसिंहः शुक्रवासरे अवदत् यत् तस्मै एतद् गर्वस्य विषयः अस्ति यत् हिन्दी भाषा न केवलं भारतदेशे, अपि तु वैश्विकस्तरे अपि सम्पूर्णां मानवतां एकसूत्रे पिरोति इव सेतु भाषारूपेण विकसिताभवति।
राज्यमन्त्री सिंहः एतत् वक्तव्यं अत्र स्थिते जवाहरलालनेहरु-भवने विश्वहिन्दी-दिवसात् पूर्वं विदेशमन्त्रालयेन आयोजिते कार्यक्रमे उक्तवान्। सः अवदत्—
“अहं परमया हर्षभावनया अभिभूतः अस्मि यत् विदेशीयैः राजनयिकैः राजदूतैश्च हिन्दीभाषायां नववर्षस्य शुभेच्छाः वसुधैव कुटुम्बकम् इति भावनां च विषये दत्तानि वक्तव्यानि अत्यन्तं प्रेरणादायकानि आसन्। तस्मिन् एव क्रमॆ अन्ताराष्ट्रियविद्यार्थिभिः प्रस्तुतानि प्राचीनानि हिन्दी-बॉलीवुड्-गीतानां मधुराणि गायनानि मां नितरां मन्त्रमुग्धं विस्मितं च अकुर्वन्। मया हिन्दीभाषायाः वैश्विका आत्मा प्रत्यक्षतया सजीवा दृश्यते स्म।”
सः हिन्दीभाषायाः शैक्षणिकीं प्रशासनिकीं च व्यापतिं दर्शयन्ति तथ्याङ्कान् अवदत् तथा च एतानि उपलब्धीनि राष्ट्रस्य गौरवक्षणरूपेण वर्णितवान्। सः अवदत् यत् अद्य शताधिकेषु देशेषु षट्शतसप्ततिः विश्वविद्यालयेषु शिक्षणसंस्थासु विद्यालयेषु च हिन्दी अध्याप्यते। देशस्य सप्तत्रिंशत् पासपोर्ट्-कार्यालयेषु द्वाविंशतौ कार्यालयेषु सप्ततिशताधिकं कार्यं हिन्दीभाषायां सम्पद्यते।
मन्त्री पुनः अवदत् यत् हिन्दीभाषायाः एषा वैश्विका मान्यता सर्वेषां भारतीयानां कृते गर्वस्य विषयः अस्ति। एषा भाषा न केवलं राष्ट्रस्य सांस्कृतिकपरिचयस्य प्रतीकः अस्ति, अपि तु अन्ताराष्ट्रियसम्बन्धानां सुदृढीकरणाय एकं शक्तिशालिनं माध्यमं अपि भवति।
उल्लेखनीयं यत् विश्वहिन्दी-दिवसः प्रतिवर्षं जनवरिमासस्य दशमे दिने आचर्यते। अस्य उद्देश्यम् अस्ति हिन्दीभाषायाः माध्यमेन भारतस्य गौरवशालिनीं संस्कृतिं जनजनपर्यन्तं प्रसारयितुं तस्य गभीरायाः परम्परायाः च परिचयं लोकानां समक्षं स्थापयितुं वर्तते।
-----------
हिन्दुस्थान समाचार