Enter your Email Address to subscribe to our newsletters
कोलकाता, 09 जनवरीमासः (हि.स.)। केंद्रीयः स्वास्थ्यपरिवारकल्याणमन्त्री जगत्प्रकाशनड्डा शुक्रवारवासरे कोलकातानगरस्थितं चित्तरञ्जनराष्ट्रीयकर्कटरोगसंस्थानस्य न्यू टाउन परिसरतं भ्रमणं कृतवान्। अस्मिन् अवसरे तेन सह केंद्रीयशिक्षाराज्यमन्त्री सुकान्तमजूमदार अपि उपस्थितः आसीत्। उभौ नेतारौ चिकित्सालयस्य विविधविभागान् निरीक्ष्य तत्र उपलब्धानां स्वास्थ्यसेवानां गुणवत्तायां सन्तोषं व्यक्तवन्तौ।
निरीक्षणानन्तरं केंद्रीयस्वास्थ्यमन्त्री चिकित्सकैः कर्मचारीभिश्च सह बैठकां कृतवान्, यत्र सः संस्थानस्य कार्याणि प्रशंसितवान्। नड्डा अवदत् यत् चित्तरञ्जनराष्ट्रियकर्कटरोगसंस्थानेन देशे कर्कटरोगोपचारशिक्षाअनुसन्धानक्षेत्रेषु महत्त्वपूर्णं योगदानं कृतम्।
सः विशेषतया एतदपि रेखाङ्कितवान् यत् एषः भारतस्य प्रथमः सरकारीः कर्कटरोगचिकित्सालयः अस्ति, यस्य राष्ट्रियप्रत्यायनमण्डलेन एनएबीएच इत्यनेन प्रमाणपत्रं प्रदत्तम्। नड्डा एतां उपलब्धिं महत्त्वपूर्णां उपलब्धिं च मीलस्तम्भरूपां अभिहितवान्। संस्थाने प्रचलितस्य अनुसन्धानस्य नवोन्मेषस्य च प्रशंसां कृत्वा सः अवदत् यत् कर्कटरोगसम्बद्धायां शिक्षायां क्षमतानिर्माणक्षेत्रे च एतत् संस्थानं देशस्य प्रमुखं केन्द्रं भूत्वा उद्भूतम्।
उल्लेखनीयम् यत् चित्तरञ्जनराष्ट्रियकर्कटरोगसंस्थानं केन्द्रसरकाराधीनानां देशस्य सप्तविंशतिः क्षेत्रीयकर्कटरोगकेन्द्रेषु एकम् अस्ति। अस्य स्थापना संवत्सरे १९५० तमे कोलकातानगरस्य हाजराक्षेत्रे कृता। वर्तमानकाले संस्थानस्य द्वयोः परिसरोः मध्ये समष्टितः षट्शतसप्ततिः शय्याः सन्ति। अस्य सह सुदृढं उन्नतं च अनुसन्धानपर्यावरणमपि विकसितम् अस्ति।
केंद्रीयस्वास्थ्यमन्त्री विश्वासं व्यक्तवान् यत् आगामिकाले एतत् संस्थानं कर्कटरोगोपचारअनुसन्धानक्षेत्रे अधिकं सशक्तां भूमिकां निर्वहिष्यति तथा च देशव्यापिनां रोगिणां कृते उत्तमतराः सेवाः प्रदास्यति।---------------------
हिन्दुस्थान समाचार