Enter your Email Address to subscribe to our newsletters
प्रयागराजनगरम्, ०९ जनवरीमासः (हि.स.)।माघ–मेलायां श्रद्धालूनां स्वास्थ्य–सेवार्थं राष्ट्रीय–आयुष–मिशन–उत्तरप्रदेश–शासनस्य पक्षण: पञ्च आयुर्वेदिक–चिकित्सा–शिविराणि तथा पञ्च होमियोपैथिक-चिकित्सा–शिविराणि स्थापितानि सन्ति। प्रत्येकस्मिन् चिकित्सा–शिविरे १०० त: अधिकाः श्रद्धालवः उपचारार्थम् आगच्छन्ति। एषा सूचना शुक्रवासरे माघ–मेला–प्रभारी डॉ.मनोजेन दत्ता।सब: अवदत् यत् आयुष–मन्त्रालयेन माघ–मेलायाम् आगतानां श्रद्धालूनां स्वास्थ्य–सेवार्थं होमियोपैथिक–पञ्च–चिकित्सालया: तथा आयुर्वेदिक–पञ्च–चिकित्सालया: स्थापिताः सन्ति।मुख्य–केन्द्रं संचलनक्षेत्रम्, फोर्ट–मार्गस्य पार्श्वे, संगमात् प्रत्यागमन–मार्गे स्थापितम् अस्ति।एकः चिकित्सालय: मेलाक्षेत्रस्य काली–मार्गस्य पार्श्वे स्थापितः अस्ति।एकः अन्नपूर्णा–मार्गे स्थितः अस्ति।द्वौ चिकित्सालयौ यमुना–नद्याः तटे अरैल–क्षेत्रे, कल्पवासिनां श्रद्धालूनां च सेवायै चिकित्सकैः कर्मचारिभिश्च सह उपस्थितौ स्तः।सर्वेषु चिकित्सा–शिविरेषु श्रद्धालुभ्यः निःशुल्क–औषध–वितरणं क्रियते।मेलाक्षेत्रे दूर–दूरप्रदेशेभ्यः आगच्छन्तः श्रद्धालवः औषध–प्राप्त्यर्थं सर्वेषु चिकित्सा–शिविरेषु उपस्थिताः भवन्ति।
हिन्दुस्थान समाचार / Dheeraj Maithani