Enter your Email Address to subscribe to our newsletters
- पासिंग आउट पदप्रयाणे मेधावी अग्नि वीरेभ्यः पदकानि प्रदत्तानि
नव दिल्ली, 09 जनवरीमासः (हि.स.)।आईएनएस् चिल्कायां अनुशासिताः दृढाः च युद्धाय सज्जाः २१७२ नौसैनिकप्रशिक्षिताः प्रशिक्षणसमाप्तेः अनन्तरं राष्ट्रसेवायै सिद्धाः अभवन्। दीक्षान्तपरेडस्य अवसरं निमित्तीकृत्य प्रशिक्षुभिः स्वाभ्यासस्य अनुशासनस्य च व्यावसायिककौशलस्य च उत्कृष्टमानकानां भव्यं प्रदर्शनं कृतम्। पुरुषसहकर्मिभिः सह महिला-अग्निवीराणां सहभागिता परिचालनभूमिकासु समावेशितायाः लैङ्गिकसमतायाश्च प्रति भारतीयनौसेनायाः दृढप्रतिबद्धतां पुनः सुदृढतया दर्शयति।गुरुवासरे आईएनएस् चिल्कायां आयोजितः प्रशिक्षु-दीक्षान्तपरेडः षोडशसप्ताहात्मकस्य कठोरप्रशिक्षणस्य सफलसमाप्तेः प्रतीकः आसीत्। सूर्यास्तोत्तरकाले सम्पन्नायां परेडायां प्रशिक्षवः सहभागीभवन्तः स्वस्य अनुशासित-दृढ-युद्धतत्परनौसैनिकव्यावसायिकत्वनिर्माणप्रक्रियायाः प्रतीकत्वं प्रदर्शितवन्तः। अस्मिन् दीक्षान्तवर्गे २१७२ प्रशिक्षवः सम्मिलिताः। तेषु २१०३ अग्निवीराः (तेषु ११३ महिला-अग्निवीराः), २७० एसएसआर् (चिकित्सासहायकाः), भारतीयनौसेनायाः ४४ क्रीडाप्रवेशकार्मिकाः तथा भारतीयतटरक्षकबलस्य २९५ नाविकाः आसन्।दक्षिणनौसेनाकमानस्य फ्लैग् ऑफिसर् कमाण्डिङ्-इन-चीफ् वाइस-अड्मिरल् समीर् सक्सेना परेडायाः मुख्यातिथिः निरीक्षणाधिकारी च आसीत्। आईएनएस् चिल्कायाः कमाण्डिङ् अधिकारी कमोडोर् बी. दीपक् अनील् संचालनाधिकारीः आसीत्। अस्मिन् समारोहे विशिष्टाः पूर्वसैनिकाः प्रसिद्धाः क्रीडाव्यक्तयः वरिष्ठनौसेनाधिकारीणः अन्ये गणमान्यजनाः उत्तीर्णप्रशिक्षुणां परिवारसदस्याश्च उपस्थिता आसन्।वाइस-अड्मिरल् सक्सेना परेडां सम्बोधयन् प्रशिक्षणस्य सफलसमाप्त्याः कृते प्रशिक्षून् अभिनन्दितवान्। सः प्रशिक्षून् स्वव्यावसायिककौशलस्य परिष्काराय तन्त्रज्ञानसम्पन्नतायै च प्रेरितवान्, तथा कर्तव्यं सम्मानं साहसं च इति नौसेनायाः मूल्यमूल्यानि आत्मसात् कर्तुं उपदिष्टवान्। सः तान् साहसेन दृढसंकल्पेन च स्वमार्गं चयन्य राष्ट्रस्य गौरवं रक्षितुं प्रेरितवान्। सः अग्निवीराणां अभिभावकानां राष्ट्रप्रति योगदानस्य प्रशंसां कृतवान्।मुख्यातिथिना नौसेनायाः राष्ट्रस्य च परिवर्तननिर्माणे “टीम् चिल्का” इत्यस्य अथकप्रयत्नानां महत्त्वपूर्णभूमिकायाश्च विशेषतया प्रशंसा कृता। मेधाविभ्यः अग्निवीरेभ्यः पदकानि ट्रॉफीश्च प्रदत्तानि। शशि बी. केञ्चावगोलः तथा जतिन् मिश्रः क्रमशः सर्वश्रेष्ठः अग्निवीरः (एसएसआर्) तथा सर्वश्रेष्ठः अग्निवीरः (एमआर्) इति नौसेनाप्रमुख-चलितट्रॉफीया स्वर्णपदकेन च सम्मानितौ। अनिता यादव् समग्रयोग्यताक्रमेषु सर्वश्रेष्ठमहिला-अग्निवीररूपेण जनरल् बिपिन् रावत् चलितट्रॉफीया सम्मानिता। केशव् सूर्यवंशी तथा सोनेन्द्रः क्रमशः सर्वश्रेष्ठनाविकः (जीडी) तथा सर्वश्रेष्ठनाविकः (डीबी) इति चयनितौ।समापनसमारोहात् पूर्वं खारवेल-विभागः समग्रचैम्पियनशिप् ट्रॉफीया सम्मानितः, अशोक-विभागः च उपविजेतृत्वेन चयनितः। अस्मिन् एव अवसरें आईएनएस् चिल्कायाः द्विभाषिकप्रशिक्षु-पत्रिकायाः “अङ्कुर् २०२५” इत्यस्य द्वितीयं संस्करणं विमोचितम्। अस्यां पत्रिकायां अग्निवीराणां अनुभवाः तेषां प्रेरणादायकपरिवर्तनयात्रा च विस्तारतः प्रस्तुताः सन्ति।
-----------
हिन्दुस्थान समाचार