Enter your Email Address to subscribe to our newsletters
चेन्नई, 09 जनवरीमासः (हि.स.)। तमिलनाडुराज्यस्य विधानसभानिर्वाचंनस्य समीपं आगच्छन्ति इति कारणेन राज्यस्य राजनैतिकवातावरणं शनैः शनैः उष्णतां गच्छति। सर्वे प्रमुखाः राजनैतिकदलाḥ निर्वाचनरणनीतिं गठबन्धनानि च अन्तिमरूपेण निर्धारयितुं प्रवृत्ताः सन्ति। अस्यैव क्रमस्य अन्तर्गतं शुक्रवासरे अखिलभारतीय-अन्ना-द्रविड-मुनेत्र-कडगम् (एआईएडीएमके) इत्यस्य महासचिवः एडप्पाडी के. पलानीस्वामी तमिलनाडु-भारतीय-जनता-पक्षस्य (भाजपा) अध्यक्षेन नयनार-नागेन्द्रेण सह मिलितवान्।
नयनार-नागेन्द्रः शुक्रवासरस्य प्रातःकाले चेन्नै-नगरस्य ग्रीनवे-रोड्-मार्गे स्थिते पलानीस्वामिनः निवासे आगत्य विधानसभाचुनावस्य विषये आसनविभाजनं (सीट्-विभाजनम्) सम्बध्य चर्चां कृतवान्। एषा भेंटः आगामीनिर्वाचन-समीकरणानां दृष्ट्या अत्यन्तं महत्त्वपूर्णा इति मन्यते।
वस्तुतः अद्यतनकाले दिल्लीनगर-यात्रायां एडप्पाडी के. पलानीस्वामी केन्द्रीयगृहमन्त्रिणा अमित-शाहेन सह मिलितवान् आसीत्। तदा एतत् प्रकाशितं यत् भाजपा विधानसभानिर्वाचने ५६ आसनानां (सीटानाम्) अपेक्षां कृतवती अस्ति। दिल्लीतः प्रत्यागत्य एकस्मिन् दिने एव नयनार-नागेन्द्रेण पलानीस्वामिनः सह कृता एषा संगोष्ठी राजनैतिकदृष्ट्या विशेषमहत्त्वपूर्णा मन्यते।
भेंट्याः अनन्तरं नयनार-नागेन्द्रः पत्रकारैः सह संवादे अवदत् यत् अन्नाद्रमुक-दलेन सह चर्चा सौहार्दपूर्णे वातावरणे सम्पन्ना। सः अवगतवान् यत् संवादकाले प्रधानमन्त्री नरेन्द्र-मोदी-महोदयस्य तमिलनाडु-यात्रा अपि विचारविमर्शस्य विषयः आसीत्। प्रधानमन्त्रिणः सभा चेन्नई-नगरे वा मदुरै-नगरे आयोजनीया इति विषये अपि चर्चा अभवत्। सः अवदत् यत् प्रधानमन्त्री अस्य मासस्य अन्ते तमिलनाडुं आगमिष्यति। भाजपा कियत्सु आसनेषु प्रतिस्पर्धां करिष्यति इति विषयः पश्चात् प्रकाशयिष्यते।
अस्मिन् मध्ये राज्ये द्रविड-मुनेत्र-कडगम् (द्रमुक), अन्नाद्रमुक, भाजपा, कांग्रेस्, विदुथलै-चिरुथैगल्-कच्ची (वीसीके), मरुमलार्ची-द्रविड-मुनेत्र-कडगम् (मद्रमुक), पाट्टाली-मक्कल्-कच्ची (पमक) तथा तमिलगा-वेत्री-कडगम् (तवेक) इत्यादयः बहवः दलाः स्वस्वा निर्वाचनगतिविधयः तीव्रतया प्रवर्तयन्ति। वर्तमानराजनैतिकस्थितौ राज्ये सर्वतोमुख्यप्रतिस्पर्धायाः संकेताः दृश्यन्ते। एकस्मिन् पक्षे द्रमुक-नेतृत्वकं गठबन्धनम् अस्ति, अपरस्मिन् पक्षे अन्नाद्रमुक-भाजपा-गठबन्धनं निर्वाचनक्षेत्रे स्थितम्।
अतिरिक्ततया अभिनेता विजयस्य तमिलगा-वेत्री-कडगम् तथा सीमन्-नेतृका नाम्-तमिलर्-पार्टी अपि पृथक् मोर्चारूपेण चुनावीमैदाने अवतरणाय सज्जे स्तः।
अस्मिन्नेव वर्षे अपि तमिलनाडौ अन्नाद्रमुक-भाजपा-गठबन्धनं निर्मितम् अस्ति, यस्मिन् भाजपा तथा पमक-दलम् अन्तर्भूतम् अस्ति। अतः गठबन्धने अन्तर्भूतानां दलानां कियत्सु आसनेषु अवसरः लभ्यते इति विषये कार्यकर्तॄणां मध्ये कौतूहलं वर्धते।
उल्लेखनीयं यत् वर्षे २०२१ विधानसभानिर्वाचनं भाजपा २० आसनेषु चुनावं कृतवती, यत्र तस्याः केवलं चतसृषु आसनेषु विजयः अभवत्। तथापि अस्मिन् काले भाजपा न केवलं ५६ आसनानां मागणां करोति, अपि तु सरकारे भागिणां प्रति अपि सक्रियप्रयत्नान् कुर्वन्ती दृश्यते।
------------
हिन्दुस्थान समाचार