सोनीपतम्, 13 फ़रवरीमासः (हि.स.)।

हरियाणा-राज्यस्य क्रीडकानां वर्धमान-उपलब्धीनां मध्ये सहकारिता-कारागार-निर्वाचन-विरासत-पर्यटन-विभागानां मन्त्री डॉ अरविन्द शर्मा उक्तवान् यत् प्रदेशस्य क्रीडकाः वर्षे २०३० तमे प्रस्तावितेषु राष्ट्रमण्डल-क्रीडासु दृढं प्रदर्शनं करिष्यन्ति तथा आगामि ओलम्पिक-क्रीडासु अपि स्वसफलतां पुनरावर्तयिष्यन्ति। तेन उक्तं यत् राज्य-सरकारेण क्रीडकानां कृते अनुकूलं वातावरणं निर्मितम्, येन हरियाणा-राज्यं राष्ट्रिय-अन्तर्राष्ट्रीय-स्तरेषु क्रीडाशक्ति-रूपेण उदितम् अस्ति।

गुरुवासरे सायंकाले गोहाना-विधानसभा-क्षेत्रस्य माहरा-ग्रामे महर्षि-दयानन्द-सरस्वती-जयन्त्याः अवसरॆ आयोजितायां विशाल-कबड्डी-प्रतियोगितायां मुख्यातिथिरूपेण उपस्थितः मन्त्री क्रीडकानां उत्साहवर्धनं कृतवान्। सः अवदत् यत् वर्षे २०१४ तः परं हरियाणा-राज्ये नानाक्षेत्रेषु तीव्र-प्रगतिः जाता तथा क्रीडा-नीतेः विषये अन्ये राज्याः अपि हरियाणस्य अनुसरणं कुर्वन्ति।

तेन सूचितं यत् टोक्यो-ओलम्पिक-क्रीडासु देशस्य १२६ क्रीडकानां मध्ये ३२ क्रीडकाः हरियाणात् आसन्। देशाय प्राप्तेषु सप्तसु पदकेषु प्रदेशस्य क्रीडकैः एकं स्वर्णं, एकं रजतं, द्वे कांस्य-पदके च जिते। तथैव ओलम्पिक २०२४ तमे देशस्य षट् पदकेषु पञ्च पदक-विजेतारः हरियाणात् एव आसन्। गत-एकादश-वर्षेषु १६,५०० क्रीडकभ्यः ७०० कोटि-रूप्यक-नकद-पुरस्काराः प्रदत्ताः तथा २३१ क्रीडकभ्यः सरकारी-नियुक्तयः प्रदत्ताः। अन्तर्राष्ट्रीय-प्रतियोगितानां सिद्ध्यर्थं आवश्यकाः व्यवस्थाः कृताः, येन युव-क्रीडकानां क्रीडासु रुचिः वर्धिता।

अस्मिन् अवसरॆ माहरा-ग्रामे ४० लक्ष-रूप्यक-व्ययेन विकास-कार्याणां उद्घाटनं कृतं तथा १२ लक्ष-रूप्यक-व्ययेन निर्मीयमाणायाः ब्राह्मण-चौपालायाः शिलान्यासः कृतः। सह च चौपालानां चतुर्दिक्-प्राचीर-निर्माणं, क्रीडा-स्टेडियम-शेड-निर्माणं, बस-स्थानकात् लोकनिर्माण-विभाग-मार्गपर्यन्तं नाल-निर्माणं, तडागस्य चतुर्दिक्-प्राचीर-निर्माणं च आरब्धम्। क्रीडा-अकादम्यां अपि प्राचीर-शेड-निर्माणस्य घोषणा कृता।

अस्मिन् कार्यक्रमे आचार्य विजयपालः, सन्त अमरदासः, बाबा राजेश नाथः, गजेन्द्र फौगाटः, दीपक निवास हुड्डा, सुशील शास्त्री, सरपञ्च पवन मलिक, सतीश शास्त्री, जयभगवान शर्मा, दिलावरः, सुनील भारद्वाजः, रामनारायणः, सोनू कुहाड इत्यादयः उपस्थिताः आसन्।

---------------

हिन्दुस्थान समाचार