Enter your Email Address to subscribe to our newsletters
गुवाहाटीनगरम्, १४ फरवरीमासः (हि.स.)। प्रधानमंत्री नरेन्द्र: मोदी अद्य असम–प्रवासे विविधानां विकास–परियोजनानां उद्घाटनं करिष्यति। प्रधानमंत्रिण: असम–आगमनस्य संदर्भे मोरान–गुवाहाटीनगरे जनानां मध्ये महान् उत्साहः दृश्यते। स: एकस्मिन् विमान–दृश्ये (एयरशो) भागं ग्रहीष्यति तथा पूर्वोत्तर–प्रदेशे सम्बन्धं, डिजिटल–आधारभूत–संरचनां, उच्च–शिक्षां च नगरीय–गतिशीलतां च दृढीकर्तुं समर्पितं प्राय: ५,४५० कोटि रूप्यकाणां विकास–परियोजनानां उद्घाटनं करिष्यति।
अद्य प्रातः सायं १०.३० वादने प्रधानमंत्री डिब्रूगढ़–मोरान–बाईपास-इत्यत्र असम–प्रदेशस्य प्रथमे आपत्कालीन–लैंडिंग–सुविधायाः (ईएलएफ) निरीक्षणं करिष्यति तथा उद्घाटनं करिष्यति। एषा सुविधा भारतीय–वायुसैनिक–सेनाया: सहयोगेन विकसितः अस्ति तथा द्विगुण–उपयोग–संरचनायाः रूपेण अभिकल्पिता। एषा ४० टनपर्यन्तं युद्ध–विमानानि तथा ७४ टनपर्यन्तं अधिकतम–उड्डयन–भारयुक्तानि परिवहन–विमानानि वहितुं समर्थानि। ईएलएफ आपदा–प्रतिक्रियायाम् तथा सामरिक–संचालने महत्वपूर्णं योगदानं दास्यति।
मध्याह्ने प्राय: १ वादने प्रधानमन्त्री ब्रह्मपुत्र–नद्या: उपरि निर्मितं नूतनं कुमारभास्कर–वर्मा–सेतुम् उद्घाटयिष्यति। षट्–पंक्ति–युक्तः एषः एक्स्ट्राडोज्ड्–प्रेस्ट्रेस्ड्–कंक्रीट् (पीएससी) सेतुः प्राय: ३,०३० कोटिरूप्यकाणां व्यये निर्मितः अस्ति तथा गुवाहाटी–नगरं उत्तर–गुवाहाटी–नगरं च संयुक्तं करोति।
तदनन्तरं प्रधानमन्त्री प्राय: १.३० वादने लचित–घाटे अन्यासां विकास–परियोजनानां उद्घाटनं करिष्यति। अस्मिन्नेव समाविष्टम् अस्ति कामरूप–जनपदे अमीनग्रामे राष्ट्रिय–विवरण–केंद्रस्य उद्घाटनम्। एषा अत्याधुनिक–सुविधा डिजिटल–भारत–अभियानस्य अन्तर्गतं सर्वकारीविभागानां अभियानन–क्रिटिकल्–अनुप्रयोगानां आतिथ्यं करिष्यति तथा अन्येषु विवरण–केंद्रेषु आपदा–पुनर्प्राप्ति–केंद्रस्य कार्यं अपि करिष्यति।
प्रधानमन्त्री गुवाहाटी–स्थितं भारतीय–प्रबन्धन–संस्थानम् (आईआईएम) स्थायी–कम्प्लेक्स-इत्यस्य उद्घाटनं अपि करिष्यति, यत् पूर्वोत्तर–प्रदेशे उच्च–शिक्षाया: तथा प्रबन्धन–शिक्षायाः संवर्धनं करिष्यति।
प्रधानमन्त्री पीएम–ई–बसयान–सेवा–योजनाया: अन्तर्गतं गुवाहाटीनगरम् (१००), नागपुरनगरम् (५०), भावनगरम् (५०), चण्डीगढनगरम् (२५) इत्यत्र आहत्य २२५ विद्युतीय–बसायानेभ्य: हरित–ध्वज–प्रदर्शनं करिष्यति। एतेषां बसयानानं सञ्चालनेन ५० लक्षात् अधिकं जनानां स्वच्छा, अल्पव्यययुक्ता च विश्वसनीय–सार्वजनिक–परिवहन–सुविधा लप्स्यते, यत् नगरीय–गतिशीलतायां जीवन–गुणवत्तायाम् च संशोधनं करिष्यति।
तत: परं असम–प्रदेश–भाजपा-पक्षेण गुवाहाटी–खानापारा–स्थाने आयोज्यमाने भाजपा–जनसभायां कार्यकर्तृन् सम्बोधनं करिष्यति। तदर्थं भाजपा-पक्षस्य सर्वा: आवश्यक–सज्जताः पूर्णाः।
हिन्दुस्थान समाचार / अंशु गुप्ता