Enter your Email Address to subscribe to our newsletters
सामुदायिकभवनस्य निर्माणं घोषितम्
रायपुर, 14 फ़रवरीमासः (हि.स.)।
विष्णुदेव साय मुख्यमंत्रीः अद्य शनिवासरे जशपुर-प्रवासे दुलदुला-विकासखण्डस्य ग्रामे सिरीमकेला-स्थिते श्री नीलकंठेश्वर महादेव मंदिर इत्यस्य पावन-प्राणप्रतिष्ठा-समारोहे सहभागी अभवत्। तेन विधिविधानपूर्वकं पूजा-अर्चना कृत्वा देवाधिदेव-महादेवात् समस्त-छत्तीसगढ-वासिनां सुख-समृद्धि-कल्याणानां मंगलकामना कृता। महाशिवरात्रेः पावन-पर्वणः पूर्वदिने आयोजितम् एतद् आध्यात्मिक-आयोजनं श्रद्धा-आस्था-सांस्कृतिक-गौरवस्य प्रतीकम् इति तेन उक्तम्।
मुख्यमंत्री सायेन ग्रामे सिरीमकेलायां सामुदायिक-भवन-निर्माणस्य घोषणा कृता। तेन उक्तं यत् एतेन स्थानीय-नागरिकानां सामाजिक-सांस्कृतिक-पारिवारिक-आयोजनानां कृते सुदृढ-आधारः भविष्यति। स्वीय-संबोधने तेन उक्तं यत् श्वः वयं सर्वे महाशिवरात्रि-पर्व मनामहे, अस्मिन् अवसरे सर्वेभ्यः हार्दिक-शुभकामनाः। सिरीमकेलायां भक्तैः सह आगत्य तस्मै आध्यात्मिक-शान्तेः आनन्दस्य च अनुभूतिः जाता इति तेन कथितम्।
राज्य-सरकारः सनातन-परम्परायाः पुनर्स्थापनार्थं विविध-योजनाभिः सहस्रशः श्रद्धालून् धार्मिक-यात्रासु प्रेषयति इति अपि तेन उक्तम्। अद्यावधि चतुश्चत्वारिंशत्-सहस्राधिक-तीर्थयात्रिणः श्रीरामललायाः दर्शनं कृतवन्तः। पञ्चशत-वर्ष-पर्यन्तं प्रतीक्षायाः अनन्तरं श्री राम जन्मभूमि मंदिर अयोध्याधाम्नि निर्मितम्, तथा नरेंद्र मोदी-महाभागस्य नेतृत्वे तस्य शिखरे ध्वजः पताकायमानः अस्ति इति तेन निर्दिष्टम्।
तत्पश्चात् तेन उक्तं यत् नीलकंठेश्वर-महादेवस्य दर्शनं प्राप्य सः स्वं सौभाग्यशालिनं मन्यते। जशपुरे मधेश्वर-महादेवः अपि विराजते, यः लोकमान्यतानुसारं एशियादेशस्य विशालतमः प्राकृतिक-शिवलिङ्गः इति कथ्यते। सावन-मासे भोरमदेव मंदिर मध्ये कावडीयात्रिकाणां प्रति पुष्पवृष्ट्या आस्था प्रदर्श्यते।
छत्तीसगढस्य प्रयाग इति प्रसिद्धे राजिम त्रिवेणी संगम स्थले राजिम-कुंभ-कल्पस्य भव्य-आयोजनं प्रवर्तते, यत्र आस्था-संस्कृतेः अद्भुतः संगमः दृश्यते। श्रद्धालुभ्यः तेन आह्वानं कृतं यत् महाशिवरात्रौ भगवान कुलेश्वरनाथ महादेव दर्शनं अवश्यम् कुर्वन्तु। सांस्कृतिक-धार्मिक-धरोहरस्य संरक्षणार्थं राज्य-सरकारः सततं प्रयत्नशीलाऽस्ति इति अपि तेन उक्तम्।
कार्यक्रमस्य अन्ते तेन मन्दिर-परिसरे वृक्षारोपणं कृत्वा पर्यावरण-संरक्षणस्य सन्देशः दत्तः। आध्यात्मिकता तथा प्रकृति-रक्षणम् परस्परं पूरकौ स्तः इति तेन प्रतिपादितम्।
अन्ते तेन मंगलकामना कृता यत् नीलकंठेश्वर-महादेवस्य कृपा सर्वेषां उपरि सदा वर्तताम्, प्रदेशे सुख-शान्ति-समृद्धि-विकासस्य नव-धाराः प्रवहन्तु, तथा छत्तीसगढः आध्यात्मिक-चेतनया सांस्कृतिक-वैभवेन च निरन्तरं प्रगतिपथे अग्रे गच्छतु।
अस्मिन् अवसरे गोमती साय, योगेश्वर राजू सिन्हा, रणविजय सिंह जूदेव, शौर्य प्रताप सिंह जूदेव, यश प्रताप सिंह जूदेव, सुशीला साय, कृष्णा राय, पवन साय, भरत सिंह, अरविन्द प्रसाद साय, कपिल देव साय, दीपक कुमार झा, रोहित व्यास, डॉ. लाल उमेद सिंह, शशि कुमार तथा अन्ये बहवः अधिकारिणः-कर्मचारिणः उपस्थिताः आसन्।
---------------
हिन्दुस्थान समाचार